Eygló ætti að segja af sér - en gerir það ekki

Eygló Harðardóttir félagsmálaráðherra er einangruð í ríkisstjórninni og einangruð í Framsóknarflokknum. Eygló starfar eins samfylkingarráðherra og leikur vinstrieinleik hápólitísku máli í miðhægristjórn. Helsti talsmaður hennar er Stefán Ólafsson samfylkingarmaður.

Eygló er hluti gamla Framsóknarflokksins, þar sem kápan var borin á báðum öxlum, sbr. afstöðu hennar í ESB-málinu. Til stóð að Willum Þór Þórsson tæki sæti hennar en klúðraði málinu á kjördæmisþingi þegar íþróttalið Willums hvarf heim en skjólstæðingar Eyglóar sátu kjurt.

Ríkisstjórn Sjálfstæðisflokks og Framsóknarflokks hefur ekkert með samfylkingarráðherra að gera. Ekki síst í ljósi þess að brú milli Samfylkingar og Framsóknarflokks er álíka sennileg og brú milli Íslands og Færeyja.

Eygló mun á hinn bóginn ekki segja af sér, líkt og Egill Helga óskar sér. Afsögn Eyglóar myndi aðeins einangra hana. Hún er ekki með neina burði til að vera gerandi í pólitík og yrði hornkerling á þingi.

Ríkisstjórn Sigmundar Davíðs sýnir hve sterk hún er með því að Eygló Harðardóttir er ráðherra með löngun til einleiks en er þvinguð til að vera hluti af liðsheildinni.

 

Einhugur um húsnæðisfrumvörpin

Athugasemdir

[Jónas Ómar Snorrason, 18.5.2015 kl. 20:32]

Láttu ekki svona Páll, Eygló og BB eru í sýndarleik, sem gengur út á það, að gera ekki neitt, sannaðu til. Þetta veistu, og eiginlega sannar fyrir mér, að þér sé greitt fyrir.

[Guðmundur Ásgeirsson, 18.5.2015 kl. 21:09]

Ömurleg greining sem á ekkert skylt við raunveruleikann.

Ef Eygló er stödd í ríkisstjórn þar sem ekkert nær fram að ganga vegna þess að allir hinir eru á móti því að bæta hag almennings, hvort er það þá Eygló sem ætti að segja af sér eða hinir sem ekki vilja gæta hagsmuna almennings?

Hvernig væri nú að beina að beina spjótunum að þeim sem eiga það raunverulega skilið, í stað þess að taka alltaf ódýru skotin?

Ef ég væri að borga þér fyrir að skrifa svona, þá myndi ég alls ekki borga höfundinum reikninginn fyrir þennan mánuð, svo ómerkileg eru þessi skrif.