Háværi minnihlutinn boðar uppnám

ESB-sinnar á Íslandi eru minnihlutahópur og hefur alltaf verið. En hópurinn er frekur og ósvífinn. Þegar færi gafst, þann 16. júlí 2009, þegar þjóðin var að sleikja sárin eftir hrun knúðu ESB-sinnar þingmenn Vg til að svíkja stefnu flokksins og nýgefin kosningaloforð.

Án umboðs frá þjóðinni og með beinum svikum á alþingi var ESB-umsóknin send til Brussel fyrir bráðum sex árum. Umsóknin strandaði á skeri áramótin 2012/2013 þegar vinstristjórn Jóhönnu Sig. hætti öllum tilraunum til að aðlaga Ísland að ESB, - sem er forsenda fyrir framgangi umsóknarinnar.

Þjóðin kaus andstæðinga ESB-aðildar til meirihluta á alþingi vorið 2013. Framsóknarflokkur og Sjálfstæðisflokkur eru með skýra og ótvíræða stefnu um að afturkalla ESB-umsóknina.

Þegar til stendur að efna niðurstöður lýðræðislegra kosninga, þá boðar háværi minnihlutinn uppnám.

Í uppnáminu felst að taka alþingi í gíslingu málþófs. Ef við látum ESB-sinna ráða ferðinni þá er illa komið fyrir okkur.

Færri andvígir inngöngu í ESB

Athugasemdir

[Wilhelm Emilsson, 11.2.2015 kl. 06:51]

Í fréttinni stendur: "Kannanir sýna að mikill meirihluti landsmanna vill klára viðræðurnar en einungis þriðjungur er hins vegar hlynntur inngöngu." Þeir sem vilja slíta viðræðum er ansi hávær minnihluti, ekki satt? 

[Jóhann Elíasson, 11.2.2015 kl. 07:23]

Wilhelm, hvernig á að klára viðræður, sem eru stopp og enginn áhugi er hjá hvorugum aðilanum til að taka þær upp aftur?????

[Wilhelm Emilsson, 11.2.2015 kl. 07:34]

Sæll, Jóhann. Ég var bara að benda á það sem skoðanakannanir segja að fólkið vilji. 

[Jóhann Elíasson, 11.2.2015 kl. 08:45]

Það þarf nú kannski að skoða málin alveg til enda áður en er farið að vera með uppsteyt............

[Eiður Svanberg Guðnason, 11.2.2015 kl. 09:52]

Öllu snúið á haus að venju!

[Wilhelm Emilsson, 11.2.2015 kl. 09:56]

Hver er með uppsteyt, Jóhann?

[Rúnar Már Bragason, 11.2.2015 kl. 10:14]

Það skiptir máli hvernig spurningin er framreidd Vilhelm. Ef spurt er bara um að halda áfram viðræðum án þess að skýra hvað felst í viðræðum þá eru niðurstöður ómarktækar. Spurningin ætti að vera: Viltu halda áfram viðræðum við ESB um innleiðingu regluveldi þess?

Í framhaldi ætti einnig að vera spurning hvort vilji ganga í ESB. Nákvæmari spurningar gefa betri svör og vísbendingu um hver viljinn er. Nú vill svo einmitt til að meirihluti þjóðarinnar vill ekki í ESB skv. könnunum. Til hvers þá að halda áfram viðræðum um að innleiða regluveldi ESB?

[Eggert Sigurbergsson, 11.2.2015 kl. 10:33]

Áframhaldandi viðræður þýðir áframhaldandi aðlögun að regluverki ESB. Niðurstaðan verður 100% aðlögun að regluverki ESB og engin samningur enda ekkert til að semja um.

Skoðanakönnun um að klára aðildarviðræður og sjá samninginn er mesta lýðskrum síðustu alda enda uppfylla viðræður um aðlögun ekki skilgreiningu um samninga tveggja jafnrétthárra aðila.

"The term “negotiation” can be misleading.

Accession negotiations focus on the conditions and timing of the candidate’s adoption, implementation and application of EU rules – some 100,000 pages of them. And these rules (also known as the acquis,

French for “that which has been agreed”) are not negotiable."

[Helga Kristjánsdóttir, 11.2.2015 kl. 12:49]

Hér skíra aðildar-andstæðingar réttilega frá. Það er kominn tími til að sækja svokallaða umsókn í Esb til baka,enda frá upphafi þvinguð og ómarktæk án undirskriftar forseta.

[Wilhelm Emilsson, 11.2.2015 kl. 19:16]

Rúnar Már, væri ekki öruggara að spyrja: „Ert þú sjálfstæður Íslendingur eða föðurlandssvikari og landsölumaður?" Þá yrði niðurstaðan enn skýrari :) Ég minni á ljóð Steins Steinarrs „Að sigra heiminn"

Að sigra heiminn er eins og að spila á spil

með spekingslegum svip og taka í nefið.

 

(Og allt með glöðu geði

er gjarna sett að veði).

 

Og þótt þú tapir, það gerir ekkert til,

því það er nefnilega vitlaust gefið.

[Ómar Ragnarsson, 11.2.2015 kl. 23:42]

Frá árinu 1994 hefur verið í gangi stanslaus "aðlögun að regluverki EES" í samræmi við ákvæði samningsins. Sú aðlögun mun halda áfram á meðan við erum í þessu samstarfi. 

[Jón Ingi Cæsarsson, 11.2.2015 kl. 23:47]

Veit ekki hvar Páll lærði stærðfræði en í þeirri sem ég lærði þá er 75 - 80% meirihluti, en það gæti hafa breyst eitthvað með tímanum.  Þá erum við að tala um þá sem vilja ljúka aðildarviðræðum Páll.

[Gunnlaugur I., 12.2.2015 kl. 06:06]

Framkvæmdastjórn ESB segir sjálf í skýringum á því hvað felist í aðilarumsókn, þ.e. að til þess að sækja um aðild að ESB þurfi að vera sterkur pólitískur vilji og ríkur almennings vilji fyrir því að þjóðin gerist aðili að Sambandinu. Þessi pólitíski vilji hefur aldrei verið fyrir hendi og enn síður að hér hafi verið ríkur vilji almennings til ESB aðildar. Þessi könnun, eins og allar aðrar kannanir leiða það aftur og aftur og ítrekað í ljós. Þess vegna hefur þessi umsókn steytt á skeri og ekkert komist áfram og aðeins unnið þjóðinni ógagn með því að ala hér á sundurlyndi og sundrungu ! Þess vegna er löngu komin tími til að enda þetta Brusselska gönuhlaup með formlegum hætti !

[Gunnlaugur I., 12.2.2015 kl. 06:19]

Þess vegna er komin timi til að ESB sinnar hætti þessari endalausu ESB þráhyggju. Ykkur mistókst, þið sögðuð að þetta væri hraðferð sem tæki ekki nema 2 ár. Þið fenguð 4 ár og hvorki gekk eða rak. Nú er mál að þessu Brusselska bjöllu ati ljúki !

[sleggjuhvellur, 12.2.2015 kl. 09:36]

XD lofaði að kjósa um framhaldið fyrir kosningar

[Predikarinn - Cacoethes scribendi , 15.2.2015 kl. 00:01]

 Sleggjuhvellur

Kaust þú XD ?