Tvöfeldni ASÍ og launin í landinu

Alþýðusamband Íslands er beggja vegna borðsins í launaumræðunni. ASÍ tilnefnir stjórnir lífeyrissjóðanna til helminga á móti Samtökum atvinnulífsins. ASÍ er að því marki fulltrúi atvinnurekenda sem  lífeyrissjóðirnir eiga fyrirtækin.

Lífeyrissjóðirnir eru ráðandi í mörgum stærstu fyrirtækja landsins, til dæmis Högum og Icelandair. Hvað er að frétta af launastefnu ASÍ í stærstu fyrirtækjum landsins?

Yfirlýsinga ASÍ um stéttastríð í landinu vegna launamisskiptingar er ekki trúverðug þegar verkalýðshreyfingin er eins og hundur í bandi forstjóranna.

Mæta misskiptingu með afli

Athugasemdir

[Óskar Guðmundsson, 18.8.2014 kl. 08:12]

Stéttafélögin skipa í sjóðina sem vinna svo gegn hagsmunum almennings.

[Ingibjörg Guðrún Magnúsdóttir, 18.8.2014 kl. 08:18]

Já Páll þessi staða er alveg ótrúleg og löngu komin tími á að hrista upp í þessu og fara að koma með kjör sem eru almenningi að gagni. Þessi launamunur á milli stétta er vaxin úr allri skynsemi og þessi kjör sem er verið að bjóða hinni venjulegri vinnandi hönd eru ekki til sóma...

[Óskar Guðmundsson, 18.8.2014 kl. 16:42]

Ég er reyndar með "járn í eldinum" til að ná fram ályktun (varðandi margfeldis-þak  og launaskiptingu) á komandi ASÍ-þingi.... fái ég að sitja fyrir mitt félag.