Valtýr stendur í þakkarskuld við Sigríði F.

Valtýr Sigurðsson stendur í þakkarskuld við Sigríði Friðjónsdóttur ríkissaksóknara, sem nú stendur í ströngu vegna tengsla við DV-slúður um samskipti lögreglustjóra og innanríkisráðherra.

Valtýr var skipaður ríkissaksóknari í nóvember 2007. Ári síðar kom hrunið. Valtýr er faðir Sigurðar þáverandi forstjóra Exista, sem átti víða ítök í hrunfyrirtækjum s.s. Kaupþingi. Valtýr var frá og með hruni vanhæfur sem ríkissaksóknari enda stóðu á honum öll spjót. Eva Joly, ráðgjafi sérstaks saksóknara, krafðist afsagnar Valtýs, en hann neitaði. Í fjölmiðlaumræðu var Valtýr málaður út í horn. 

Sigríður Friðjónsdóttir var vararíkissaksóknari frá 1. september 2008 þangað til að loksins, loksins að Valtýr sagði af sér embætti í febrúar 2011 og Sigríður fékk embættið.

Valtýr stígur núna fram til að bera blak af Sigríði, sem situr á skýrslu lögreglunnar um lekamálið og hjálpar þar DV að rífa æruna af innanríkisráðherra.

Valtýr segir Hönnu Birnu eiga að víkja

Athugasemdir

[Skeggi Skaftason, 2.8.2014 kl. 17:08]

Páll Vilhjálmsson heldur áfram skítkasti og persónuárásum. Ekki fer hann að skipta um skoðun í þessu máli. Sei sei nei nei, hann hefur ákveðið að standa með ráðherranum og þá gerir hann það fram í rauðan dauðann. Allir sem voga sér að gagnrýna ráðherrann hljóta að vera partur af vinstra Samfó-ESB-Baugsmafíusamsæri og fá að finna fyrir helsta skítadreifarapenna Moggabloggsins, sem Staksteinahöfundar lepja svo eftir.

[Predikarinn - Cacoethes scribendi , 2.8.2014 kl. 17:10]

Skeggi.

Þetta er hárrétt greining hjá Páli, og alveg kristslært miðað við fyrirliggjandi gögn og yfirlýsigar.

Það er ekki skítkast að benda á staðreyndir og eigin orð og verk manna.

[Skeggi Skaftason, 2.8.2014 kl. 17:12]

"RÚV tapar ef Hanna Birna stenst atlöguna" sagði Páll. (Því er ég reyndar ósammála.)

En ef Hanna Birna verður fundin sek um lögbrot, er þá bloggarinn Páll Vilhjálmsson ekki heldur betur búinn að "tapa"?

[Elle_, 2.8.2014 kl. 19:13]

Ég hef mikla trú á Valtý Sigurðssyni.

[Predikarinn - Cacoethes scribendi , 2.8.2014 kl. 19:19]

Valtýr Sigurðsson hefur einnig mikla trú Valtý Sigurðssyni.

[Elle_, 2.8.2014 kl. 19:22]

Það er gott fyrir hann, enda hæfur lögmaður og var sterkur ríkissaksóknari.

[Heimir Lárusson Fjeldsted, 2.8.2014 kl. 20:43]

Nauðsynlegt að rannsaka vinnubrögð Sigríðar.

[Ásthildur Cesil Þórðardóttir, 2.8.2014 kl. 23:15]

Páll minn ég er sammála þér í sumum málum, en gerðu sjálfum þér greiða og hættu þessu, það er lítillækkandi fyrir þig sjálfan að halda áfram með þetta mál á þessum nótum.

[Hörður B Hjartarson, 3.8.2014 kl. 00:33]

Sko þig Ásthildur , þetta var kórrétt hjá þér , hafðu þakkir .

Hvað Pál varðar , þá segi ég það sama og þú Ásthildur , og ég ætla hér með að STEINHÆTTA að lesa bloggfærslur hanns eftir þetta líka kjaftæði , já hann skýtur sig illa í fótinn karlanginn .

[Guðmundur Pétursson, 3.8.2014 kl. 04:02]

Valtýr er greinilega skynsamur og réttsýnn maður.

[Helga Kristjánsdóttir, 3.8.2014 kl. 05:07]

Halló Hörður! þetta er grafalvarlegt,það tók mig tíma að lesa tilvísanir í fréttinni,eftir að ég kom úr sveitaferð. Það eru einmitt blaðamenn sem kryfja mál til mergjar,vilji maður fylgjast með verður maður að lesa allt,hvort sem manni líkar betur eða ver,þá er líka hægt að leggja orð í belg. - Ég hlýt að vega þessa staðreynd;: Ríkissaksóknari var ekki á meintum fundum Stefáns og ráðherra,né aðili að símasamtölum þeirra. Samt vísar umboðsmaður í samtal sem hann átti við ríkissaksóknara (Sigríði Friðj.),áður en hann sendir fyrirspurnarbréfið til ráðherra. Skynsemi og réttsýni Páls glöggvar sig á að þetta fær ekki staðist. Undir það tek ég.