ESB-sinnar viðskila við veruleikann

ESB-umsóknin var í fimm ár helsta pólitíska umræðuefnið hér á landi. Á þeim tíma var aldrei meirihlutavilji, hvorki á alþingi né meðal almennings, fyrir því að Ísland yrði aðili að Evrópusambandinu.

Samfylkingin, sem miðstöð ESB-sinna, reyndi ýmsar útgáfur af ESB-stefnunni, s..s ,,kíkja í pakkann," og ,,viðræðustefnu" í stað aðildarstefnu. En allt án árangurs. Viðræðustefna ríkisstjórnar Jóhönnu Sig. beið skipbrot 2011 þegar ESB neitaði að opna viðræður um sjávarútvegsmál nema Ísland staðfesti að landið væri í aðlögunarferli inni í ESB með því að breyta fiskveiðistefnu sinni til samræmis við stefnu ð'ESB.

Í stefnumótunarræðu Junckers , forseta framkvæmdastjórnar ESB til næstu fimm ára, segir að Evrópusambandið muni ekki taka við nýjum aðildarríkjum næstu fimm árin. Sumir ESB-sinnar, t.d. Stefán Ólafsson, gripu tækifærið fegins hendi og töldu að núna mætti hætta að ræða ESB-umsóknina í hálfan áratug og meta stöðu og framtíðarhorfur ESB.

Stefán er undantekningin sem sannar regluna um að ESB-sinnar á Íslandi eru algerlega viðskila við veruleikann. Árni Páll Árnason formaður Samfylkingar notar yfirlýsingu Junckers til að herja á ríkisstjórn Íslands fyrir að hafa ,,sett umsóknina í uppnám." Árni Páll þykist ekki vita að það var ríkisstjórn Samfylkingar og Vg sem lagði ESB-umsóknina formlega á ís, þ.e. með sérstakri ríkisstjórnarsamþykkt, í aðdraganda þingkosninganna 2013.

Fréttablaðið, undir ritstjórn Ólafs Stephensen, er helsta málgagn ESB-sinna. Á forsíðuuppslætti í dag er haft eftir sendiráði ESB á Íslandi að yfirlýsing Juncker fyrir þrem dögum væri ómarktæk: Aðildarviðræður gætu hafist á ný, segir í fyrirsögn málgagnsins. Fyrirsögnin staðfestir að engar viðræður eru í gangi milli Íslands og ESB.

Í meginmáli fréttarinnar segir á hinn bóginn:

Því mætti líta á yfirlýsingu Junkers í Evrópuþinginu sem pólitíska yfirlýsingu, byggða á raunsæju mati á stöðu þeirra viðræðna sem í gangi eru.

Hvaða viðræður eru í gangi? Alls engar og hafa ekki verið í þrjú ár.

ESB-sinnar vilja ekki skilja að til að Ísland taki upp þráðinn þar sem frá var horfið 2011 verður að koma til nýr meirihluti á alþingi, ný ríkisstjórn og afgerandi vilji þjóðarinnar til að ganga í Evrópusambandið. Ekkert af þessu gerist í fyrirsjáanlegri framtíð.

Athugasemdir

[Rafn Guðmundsson, 18.7.2014 kl. 12:27]

páll - ef þú ert viss um að almenningur vilji ekki í esb þá er óþarfi fyrir þig (og aðra nei sinna) að hafa áhyggjur

[Baldinn, 18.7.2014 kl. 13:42]

Það er og hefur verið mikill meirihluti fyrir því að klára aðildarviðræðurnar.  Sjálfstæðismenn lofuðu að þjóðin fengi að kjósa um áframhald aðildarviðræðna.  Páll þú veist þetta örugglega

[Bjarne Örn Hansen (IP-tala skráð) 18.7.2014 kl. 15:10]

Bíddu nú við, af hverju á ekki að ræða við ESB.  Ísland, sem einokaði fiskinn í kringum Ísland og klagaði alla fyrir ofveiði.  Er búinn að þurrausa sjóinn í kringum landið.  Nú eru miðin við Noreg, ekki Ísland.  Náttúran, sem verður að vernda er helsta aðdráttarafl Íslendinga til að laða að sér túrista sem ganga um landið á skítugum skónum.

Íslendingar, eru Íslandi verstir ... andstaða Íslendinga við ESB, er ekki til að vernda land og þjóð.  Heldur til að tryggja einokun, og forðast samkeppni.

[Snorri Hansson, 19.7.2014 kl. 16:44]

Bjarne - getur verið að þú hafir farið vegg megin frammúr?

[Elle_, 20.7.2014 kl. 12:51]

Hvaða viðræður er Baldinn að tala um?  Hvað vill hann ræða?  Hina skilyrðislausu upptöku erlendra laga, yfirtöku?  Og hvaða vernd er Bjarne að tala um?  Og hver er hræddur, Rafn?

[Elle_, 20.7.2014 kl. 12:52]

Fyrirgefðu, Rafn, ég hafði vanist að þú værir að halda fram að fólk væri hrætt við niðurstöðun.