Skrifað undir stríðsástand í Evrópu

Á morgun eru liðin 100 ár frá morði Frans Ferdínand erkihertoga Austurríkis-Ungverjalands. Morðið er upphaf fyrri heimsstyrjaldar. Daginn fyrir morðafmælið skrifa leiðtogar Evrópusambandsins undir samning við Úkraínu sem Rússar telja beina ógn við sína hagsmuni.

Úkraína ætlar sér að verða aðildarríki Evrópusambandsins. Góðkunningi Íslendinga, Stefan Füle stækkunarstjóri ESB, þakkar Pororsénkó forseta Úkraínu sérstaklega fyrir ótvíræða yfirlýsingu um að Úkraína sækist eftir ESB-aðild.

Rússland er voldugasti nágranni Úkraínu og er með öll ráð landsins í hendi sér. Í Kreml er litið á Porosénkó forsta Úkraínu sem nasista en það orð nota Rússar yfir verstu óvini sína.

Morðið á Frans Ferdínand og samningur ESB og Úkraínu eiga það sameiginlegt að þar skerast í odda meginhagsmunir andstæðra stórvelda. Evrópusambandið ætlar sér að verða stórveldi á meginlandi Evrópu og Rússland er eina ríkið sem stendur í vegi fyrir yfirvaldi ESB. Úkraína er mikilvægasta ríkið á landamærum ESB og Rússlands.

Samstarfssamningur ESB og Úkraínu mun leiða til varanlegs stríðsástands í Austur-Evrópu þar sem stórveldi álfunnar takast á um völd og yfirráð.

„Frábær dagur fyrir Evrópu“

Athugasemdir

[Gunnar Heiðarsson, 27.6.2014 kl. 13:31]

Þegar menn leika sér að eldinum vill gjarna kvikna í. Víst er að stjórnvöld í Kreml láta þetta útspil ESB ekki átölulaust.

Rússar geta hertekið Úkraínu á örfáum dögum, án þess NATO geti rönd við reyst, enda Úkraína utan NATO. En að ætla að rússneski björnin stoppi við landfamæri Póllands og Slóvakíu er barnaleg hugsun. Hann verður kominn með blóðbragðið og horfir til Atlantshafs.

Það er kaldhæðni örlaganna að síðasa verk þeirra félaga Barroso og Rompuy skuli vera að starta þriðjumeimstyrjöldinn og það þegar einn dag vantar uppá aldarafmæli frá upphafi þeirrar fyrstu!!

[Ármann Birgisson, 27.6.2014 kl. 17:57]

Hvaðan hefurðu það Gunnar að Rússar láti þetta ekki átölulaust og  ætli að fara yfir landamæri Póllands og Slóvakíu og jafnvel lengra í vestur.

[Gunnar Heiðarsson, 27.6.2014 kl. 18:12]

Hlustaðu bara á fréttir Ármann. Þá á ég auðvitað við alvöru fréttir fluttar af alvöru fréttamiðlum, ekki ESB fréttastofurnar hér á landi.

[Gunnlaugur I., 27.6.2014 kl. 20:37]

Alveg yfirgengilega makalaus þessi hræsni. Þegar íbúar Kosovo héraðs í Serbíu kröfðust þess að fá að slíta sig frá Lýðveldinu Serbíu, þá reis ESB og USA þeim til varnar og töldu það aðeins yfirgang og frekju gegn lýðræðinu að leyfa þeim það ekki.

NATO og USA stóðu að loftárásum á almenning í Belgrad höfuðborg Serbíu vegna þessa til að "verja" einhliða kröfur þessa minnihluta héraðs.

Nú þegar fólk á miklu stærra landssvæði í Austu héruðum Úkraínu vill segja slitið við ólöglega yfirtöku og "fasista" stjórnina í Kiev, þá eru þeir nú kallaðir vondir uppreisnarmenn af sömu aðilum og kröfðust fyrir fáum árum slita Kosovo héraðs frá Serbíu.

Hræsnin og tvöfeldnin á sér enginn takmörk og meðvirkir fjölmiðlar vestulanda og tala nú ekki um Íslands fara hamförum í hræsninni !

[Helga Kristjánsdóttir, 27.6.2014 kl. 20:42]

Þegar ágirndin magnast hjá leiðtogum ESb.líta þeir með þvílíkri velþóknun á Pororsénkó,eins og hann hefði skorað,sem hann gerði raunar fyrir ESb.Mikið að þeir Füle,Barroso og Rompuy, stökkvi ekki á hann og faðmi í takt við leikana í Brasilíu. En þessir eru svo sannarlega leikar að eldi,rétt eins og Gunnar segir.

[Predikarinn - Cacoethes scribendi , 27.6.2014 kl. 22:36]

Gunnlaugur I .

Ertu á einhverjum sterkum ofskynjunarlyfjum ?

Ég hef ekki séð svona lengi.....

[Elle_, 28.6.2014 kl. 01:42]

Í alvöru eru lyfjaspurningarnar óþarfar og óþolandi.  Og líka það að klína fólki inn í stjórnmálaflokka fyrir engar sakir.  Og ég er sammála Gunnlaugi hvað kemur að Kiev og Úkraínu.  Hinsvegar horfði ég á Kosovo frá allt öðrum sjónarhóli en hann 1999, enda í Bandaríkjunum og tók upp 7 langar spólur af hrottaskap og níðingsskap Júgóslavíuhers gegn Kosovo.  Það var þessvegna sem Bandaríkin sátu ekki hjá.  Viet ekki hvar hann var (Íslandi eða Spáni?) og hvaðan hann hafði fréttirnar.

[Elle_, 28.6.2014 kl. 02:02]

Kosovo var ekki í Serbíu, Bosnía, Kosovo, Króatía og Serbía voru í Júgóslvaíu.  Og yfirgangurinn var í Serbum.