20 m.kr. framlag Samtaka iðnaðarins til Alþjóðamálastofnunar

Frá árinu 2006 hafa Samtök iðnaðarins borgað Alþjóðamálastofnun Háskóla Íslands 2,5 milljónir kr. á ári, samtals 20 milljónir króna. Samtök iðnaðarins vildu skýrslu frá Alþjóðamálastofnun til að undirbyggja málstað ESB-sinna.

Með 20 milljón kr. inneign hjá Alþjóðmálastofnun er engin hætta á öðru en að Samtök iðnaðarins fái þá niðurstöðu sem vænst er.

Til að tryggja að Alþjóðamálastofnun Háskóla Íslands dansaði örugglega eftir hljómfalli ESB-sinna þá var formaður félags ESB-sinna, Jón Steindór Valdimarsson, gerður að stjórnarmanni Alþjóðamálastofnunar.

Alþjóðamálastofnun Háskóla Íslands er algerlega ómarktæk í öllu sem lýtur að Evrópumálum.  Stofnunin er á framfæri ESB-sinna og undir stjórn ESB-sinna.

Evran engin „skyndilausn“

Athugasemdir

[Ívar Pálsson, 10.4.2014 kl. 07:55]

Hárrétt, Páll. Ég hef mætt á flesta fundi Alþjóðamála- stofnunar HÍ í mörg ár og þar er mjög sterk einstefna: ESB- aðild og Evra er mærð á fullu.

[Ívar Pálsson, 10.4.2014 kl. 07:56]

Þeas. mætt á flesta fundi þeirra um ESB og Evru.

[Gunnar Heiðarsson, 10.4.2014 kl. 08:12]

Það eru fleiri athyglisverð nöfn í stjórn Alþjóðamálastofnunnar, má t.d. nefna Gylfa Arnbjörnsson og Baldur Þórhallsson.

Gylfi hefur sem kunnugt er beytt fé og kröftum ASÍ í baráttunni fyrir aðild, jafnvel þó þau samtök séu ekki valkvæð fyrir félagsmenn.

Og sennilega er Baldur, sem kennir sig sem sérstakann fræðimann um málefni Evrópu, kannski þekktastur hér á landi fyrir þau ummæli er hann lét falla veturinn 2009, þegar hann sagði að hægt væri að ganga frá aðildarsamningi á þrem mánuðum, frá því umsókn yrði lögð fram!!