Fréttastofa RÚV í landi Kafka

Fréttastofa RÚV sagði með þjósti í hádeginu að ,,þjónar réttvísinnar" neituðu að tjá sig um rannsókn á mögulegum leka á minnisblaði úr innanríkisráðuneytinu. Í nokkra daga hafa fréttamenn RÚV leitað uppi fólk til að spyrja hvort innanríkisráðherra eigi að segja af sér vegna rannsóknarinnar.

Samtímis sem fréttastofa RÚV er í hlutverki yfirsaksóknara í opinberum málum sannast lögbrot á fréttastofuna. Lögbrotið er fullframið og viðurkennt af RÚV. Samt er látið eins og ekkert hafi gerst og engum viðurlögum er komið við.

Óðinn Jónsson yfirmaður fréttastofu RÚV situr í sínu embætti og lætur eins og stofnunin og hann sjálfur séu hafin yfir lög og rétt.

Óðinn og fréttastofa RÚV myndu sóma sér í sögum Franz Kafka sem skrifaði um ósýnilegt vald og absúrd stofnanir.

Stjórn RÚV, sem á að gæta hagsmuna almennings, hlýtur að taka af skarið og kveða upp úr um það hvort fréttastofa RÚV sé hafin yfir lög og rétt.

Athugasemdir

[Kristján Jón Sveinbjörnsson, 10.2.2014 kl. 13:56]

Ég hef hoggið eftir því að síðan fjöldauppsögnin átti sér stað á Rúv hefur fréttastofan verið agressívari í fréttaflutningi sínum þar sem lakari fréttir eru annars vegar og hægt er að tengja á einhvern hátt við ríkisstjórnina.

[Jón Valur Jensson, 11.2.2014 kl. 02:04]

Gott hjá Páli. En merkilegt annars, í framhjáhlaupi, að einungis 1.732 manns tóku þátt í flokksvali Samfylkingarinnar í Reykjavík, risanum meðal sveitarfélaga, en í langtum minni kaupstað, Kópavogi, greiddu 2.872 atkvæði í prófkjöri Sjálfstæðisflokksins um helgina og það með miklu fyrirhafnarsamari þátttöku-aðferð -- sjá hér: Eymd Samfylkingar.