Hver beitti Jón Gnarr ofbeldi?

Jón Gnarr segist hafa verið beittur ofbeldi í viðtali við þýska tímaritið Spiegel. Borgarstjóri kvartar undan því að orð hans séu rifin úr samhengi og afflutt. Þá segir hann að þeir sem reyni fyrir sér í pólitík með góðum ásetningi geti átt von á mótbyr.

Fólk sniðgengur mann, virðir mann ekki og gengur fram af hörku gagnvart manni og jafnvel með ofbeldi.

Íslenskir lesendur borgarstjóra eiga kröfu á að vita hver beitt hann ofbeldi. Yfir til þín, Jón Gnarr.

Athugasemdir

[Hrólfur Þ Hraundal, 28.12.2013 kl. 16:46]

  Ekki verður annað séð en að Jón Gnarr hafi beitt borgarbúa ofbeldi þar sem hann setti fyrir sig sem verkstjóra í borgarstjórninni formann flokks sem borgarbúar höfðu hafnað í kosningunum og hefur síðan sjálfur séð um allan meiriháttar fíflagang.  En auðvita er það eins hjá Degi og hjá fornum kóngum að þeir þurftu að hafa hirðfífl sér til sáluhjálpar.       

[Axel Jóhann Axelsson, 28.12.2013 kl. 20:16]

Jón Gnarr hefur litið á gagnrýni á sig sem ofbeldi og vorkennir sjálfum sér ógurlega, ef andað hefur verið á hann.

[Gunnar Heiðarsson, 28.12.2013 kl. 20:29]

Ég myndi einnig gjarnan vilja vita hvort Gnarr telur að flestir þeir sem velja að taka þátt í pólitík geri það af illum ásetning.

Allir sem kjósa að taka þátt í pólitík ættu að vita að þeir eru þar með að gefa höggstað á sér. Það á jafnt við um þá sem ákveða að fara þá leið af góðmennsku eða öðrum hvötum. Þáttaka í pólitík er opinberun á viðkomandi persónu. Þeir sem ekki eru tilbúnir að opinbera sig með slíkum hætti sleppa einfaldlega öllum afskiptum af pólitík.

Það er ekki bæði sleppt og haldið. 

[Jón Steinar Ragnarsson, 29.12.2013 kl. 02:15]

Gaman að sjá fjóra af ofbeldismönnunum saman komna á þessari síðu. Stórmannlegt af þeim að taka það til sín sem þeir eiga.

[Heimir Lárusson Fjeldsted, 29.12.2013 kl. 05:27]

Ég vorkenni Jóni að hafa tekið að sér starf sem hann veldur ekki.

Það er ekki stórmannlegt að skjóta út í loftið á fólk og gera ekki frekar grein fyrir meintum ofbeldismönnum.

[Heimir Lárusson Fjeldsted, 29.12.2013 kl. 05:30]

Jón Steinar Ragnarsson, nú þarftu að finna orðum þínum stað.

[Gunnar Heiðarsson, 29.12.2013 kl. 06:18]

Þakka hólið Jón Steinar. Átta mig þó ekki alveg á hvað þú meinar!