Nafnlaus fávitaumræða um kennara í 365-miðlum

365-miðlar (Fréttablaðið, Stöð 2 og Bylgjan) bjóða upp á mestu forheimskun kennaraumræðunnar norðan Alpafjalla. Inngangurinn að frétt 365-miðla um kennara hljómar svona

Það er mjög algegnt hjá til dæmis tveimur framhaldsskólakennurum sem báðir eru með 35 nemendur í upphafi annar að annar skili fimm af sér í lokin en hinn 20.

Ekki kemur fram hvað hafi orðið af nemendunum sem kennararnir ,,skiluðu ekki af sér." Við lestur fréttarinnar kemur á daginn að vísað er í nafnlausan kennara hvers upplýsingar voru uppistaðan í mest auglýsta viðtalsþætti 365-miðla og heitir á Sprengisandi.

Af umfjöllunin að að dæma er tilefnið umræða um styttingu framhaldsskólanáms. En áherslan er öll á að sumir kennarar séu ekki starfi sínu vaxnir. Nú er ábyggilega misjafn sauður í mörgu fé kennara. En misjafnir sauðir eru líka í hjá hjúkrunarfræðingum, læknum, lögfræðingum, verkfræðingum, viðskiptafræðingum og öðrum stéttum. 

Hvaða fjölmiðli dytti í hug að ræða heilbrigðismál út frá því að sumir læknar séu hysknir eða að einhverjir hjúkrunarfræðingar stundi ekki eðlilega starfsþróun? Og hvaða fjölmiðill myndi draga upp á dekk nafnlausan ræfil sem þorir ekki að kannast opinberlega við skoðanir sínar og láta þann nafnlausa buna út úr sér bullinu, samanber innganginn sem vitnað er í að ofan?

Eru 365-miðlar í samkeppni um að verða heimskasti fjölmiðillinn norðan Alpafjalla?

 

Athugasemdir

[Hrafn Arnarson, 22.12.2013 kl. 20:30]

Það sem kom fram í máli Ársæls Guðmundssonar var gott og efnislegt. Hann benti á það t.d. að fjárframlög til framhaldsskóla á Íslandi eru þau næstminnstu í OECD. Hann vildi fjölga kennsludögum og fækka dögum sem fara í próf. Stjórnandi Sprengisands stóð sig afar illa og gerði lítið annað en að afhjúpa fordóma sína og vanþekkingu.Ég vil ekki tjá mig um frétt 365 miðla um kennara af velsæmisástæðum.