Vídeóið sem Árni Páll misskildi

Formaður Samfylkingar þótti af flokksbræðrum sínum og hliðhollum álitsgjöfum hafa hitt naglann á höfuðið með greiningu um að Ísland nálgaðist japanskt efnahagsástand. Aðrir, sem ekki eru í aðdáendahópi Árna Páls og Samfylkingar, voru efnis um að efnahagsgreining formannsins ætti heima annars staðar en í fantasíulandi samfóista.

Síðustu vikur er í heimi hagfræðinnar farinn að ganga rúntinn ný frásögn um stöðu efnahagsmála heimsins. Í stuttu máli er nýfrásögn hagfræðinnar að vestræn efnahagskerfi standa frammi fyrir núllvexti um langa framtíð. Núllvöxturinn er japanska ástandið. Þýskir hagspekingar taka undir nýfrásögnina og stórkanónur eins og Krugman telja töluvert til í henni.

Larry Summers, fyrrum fjármálaráðherra Bandaríkjanna, er aðalhöfundur nýfrásagnarinnar um japanska ástandið.

Um það leyti sem Árni Páll leitaði að punktum í ræðuna sína um japanska ástandið á Íslandi var dreift á netinu stuttri ræðu Summers þar sem hann útskýrði greininguna sína. Trúr þunnildahugsun Samfylkingar reyndi Árni Páll ekki að skilja Larry Summers heldur las hann bara fyrirsögnina:

Larry Summers on the Danger of a Japan-Like Generation of Secular Stagnation Here in the North Atlantic.

Árni Páll las fyrirsögnina þannig að Summers væri að tala um japanskt ástand á Íslandi. En Summers var einkum að tala um bandarískt hagkerfi.

Árni Páll og Samfylking staðfesta enn og aftur að ekki er nokkur leið að taka pólitíska greiningu flokks og formanns alvarlega.