Samspil við ASÍ er besti leikur ríkissstjórnarinnar

Ríkisstjórninni stendur til boða bandalag við ASÍ í þeim tveim málaflokkum sem munu skipta sköpum í stjórnmálum næstu misserin, ef ekki árin.

Í fyrsta lagi útfærslan á milljörðunum sem koma til skiptanna við uppgjör föllnu bankanna. Í öðru lagi kjarasamningalotan sem hefst með skammtímasamningum í vetur og lýkur vonandi veturinn/vorið 2015 með tveggja til þriggja ára samningum.

Framsóknarflokkurinn fær tækifæri til að selflytja óframkvæmalegu kosningaloforðin sín inn í almenna kjarasamninga með því að fara í tangó með ASÍ. Stofnanabakland Sjálfstæðisflokksins, Samtök atvinnulífsins er ruslahrúga eftir hrun, og flokkurinn þarf á mýkri áferð að halda gagnvart launþegum.

Samvinna við ASÍ um tekjudreifingu í þjóðfélaginu, að því marki sem hún er ákveðin með opinberum aðgerðum, er besti leikur ríkisstjórnar Sigmundar Davíðs Gunnlaugssonar. 

ASÍ kynnir „betri leið“ til að lækka tekjuskatt

Athugasemdir

[Gunnlaugur I., 4.11.2013 kl. 15:17]

Ríkisstjórnin á ekki að láta Skrifstofu elítu ASÍ sjá um stjórn efnahagsmála, það kann ekki góðri lukku að stýra að láta það lið vera með krumlurnar í þessum málum !