Aðvörun til utanríkisráðherra

Gunnar Bragi Sveinsson utanríkisráðherra sýndi frumkvæða og afgerandi forystu til að slíta aðlögunarferli Íslands inn í Evrópusambandið, sem Jóhönnustjórnin bar ábyrgð á. Þá hefur Gunnar Bragi sagt skynsama hluti um aukna samvinnu við næstu nágranna okkar.

Björn Bjarnason vekur á hinn bóginn athygli á orðfæri, sem sennilega kemur úr embættismannaliði utanríkisþjónustunnar, um að Ísland ætli að stórefla samvinnu við Kínverja á einhverju sem heitir ,,íslenskar forsendur." Kína er stórþjóð sem gerir sig gildandi í öllum heimsálfum. Kína er jafnframt alræðisríki þar sem viðskipti og utanríkisstefna haldast í hendur.

Ísland á ekki að gefa Kína fangstað á sér og hafna öllum gruggugum viðskiptatilboðum eins og því sem kom frá Nubo um að kaupa prósentuhlut af landinu. Nubo, eins og menn muna, fékk aðstoð embættismanna Össurar í utanríkisráðuneytinu til að ,,selja" Íslendingum hugmyndina um að ná tangarhaldi á landflæmi norð-austanlands.

Gunnar Bragi ætti að taka með fyrirvara allri ráðgjöf sem mátar Ísland við stórveldi, hvort heldur ESB eða Kína. Embættismannaliðinu finnst skemmtilegra í Brussel og Peking en þjóðarhagsmunir Íslands eru í Nuuk og Þorshöfn. Og við rekum utanríkisþjónustu í þágu þjóðarinnar ekki embættismanna.

Athugasemdir

[Valdimar Samúelsson, 31.10.2013 kl. 15:59]

Tek undir þetta en ekki meira um Nubo né að gefa Kínverjum lausan tauminn. Plön þeirra eru Chinatown allstaðar þar sem þeir geta plantað sér. Grímsstaðir geta gefir 5000 x 3 börn á ári þegar þeir eru byrjaðir að  vinna járnið í Grænlandi. Hér verður R/R þ.e. hvíldarstaður 5000 manna sem hafa fjölskyldur og framleiða börn sem munu fara í Íslenska skóla og heilbrigðis kerfið. Þegar þetta er byrjað þá er ekkert sem stoppar það.