Þöggunarprinsippið í boði RÚV

Björg Eva Erlendsdóttir fyrrum fréttamaður RÚV og núverandi stjórnarmaður RÚV veitir áhugaverða innsýn í RÚV-kúltúrinn með svofelldri athugasemd á samfélagsmiðli

Hef aldrei skilið afhverju þöggun er svona lítið beitt á Snorra í Betel, Gillz, Gylfa Ægisson, Jón stóra og alla þessa kalla sem eiga nákvæmlega 0 erindi inn í vitræna umræðu….Auðvitað eru þeir athyglissjúkir, samt er ekki sjálfgefið að komast inn í umræðuna, eins og þeir gera og fitna af eins og púkinn á fjósbitanum. Enn eitt svona rugl er Páll Vilhjálmsson Heimsýnarbloggari…. Hvers nafn ætti ekki einu sinni að nefna samkvæmt þöggunarprinsippinu.

Björg Eva opinberar sérkennilegt hugarfar fólks sem telur sig þess umkomið að ákveða hverjir fá áheyrn í samfélagsumræðunni og hverjir ekki. Og Björg Eva situr í stjórn RÚV í umboði VG sem á hátíðarstundum segist flokkur tjáningarfrelsis og mannaréttinda. En nú vitum við að aðeins sumir eiga skilið að fá að tjá sig, hina á að beita ,,þöggunarprinsippinu".

Athugasemdir

[Guðjón E. Hreinberg, 29.10.2013 kl. 20:40]

Það er líka beitt þöggun á mannréttindabrot og skort á faglegum vinnubrögðum hins opinbera.

fiskisaga.not.is er eitt slíkt dæmi.

[Jón Steinar Ragnarsson, 29.10.2013 kl. 22:06]

Hún þarf ekki að hafa áhyggjur af Jóni Stóra því hann hefur legið undir sex fetum í um ár. Hún fylgist greinilega ekki með.

Málfrelsi er bannað þar sem sósíalistar hafa öll völd. Það eru ekki ný sannindi.

Sá sem setur sig gegn ,álfrelsi á ekki heima í stjórn Rúv. Sem mér finnst annars einkennilegur söfnuður og ekki eins og fólk flest.

[Steinarr Kr. , 29.10.2013 kl. 22:50]

Hlýtur að vera gott að vera í hópnum sem er með RÉTTAR skoðanir.

[Helga Kristjánsdóttir, 29.10.2013 kl. 23:07]

Spurning hvort þér Páll,verður nokkurn tíma boðið í stássstofu Rúv? Heimssýnar ,heimsins besti bloggari! ..........

[Heimir Lárusson Fjeldsted, 1.11.2013 kl. 11:30]

RÚV ert hreiður beturvitringa.