Aðlögunarferlinu slitið - ábyrgð utanríkisráðuneytisins

Evrópusambandið tekur inn ný ríki á grundvelli aðlögunar þar sem umsóknarríki taka jafnt og þétt upp lög og reglur ESB. Í fyrra þegar Ísland var enn í aðlögun að ESB kom út árleg skýrsla upp á 46 blaðsíður um framgang aðlögunarferlis Íslands.

Í ár er skýrslan snautlegar fimm blaðsíður enda aðlögunarferlinu slitið með ákvörðun ríkisstjórnar Sigmundar Davíðs Gunnlaugssonar að stöðva þetta ferli sem Samfylkingin hóf án umboðs frá þjóðinni.

Allan þann tíma sem utanríkisráðuneytið var í höndum Össurar Skarphéðinssonar og Samfylkingarinnar tóku embættismenn þátt í þeirri blekkingu að aðildarviðræður fælu ekki í sér aðlögun; að hægt væri að fá óskuldbindandi samning til að kjósa um.

Starfsmenn utanríkisráðuneytisins héldu fram flokkslygi Samfylkingar, um aðildarviðræður án aðlögunar, á stærri og smærri opinberum fundum vítt og breitt um landið.

Utanríkisráðuneytið þarf að standa skil gerða sinna á valdatíma Össurar. Í skýrslu sem ný ríkisstjórn vinnur fyrir alþingi um aðildarumsókn Íslands hlýtur að koma fram hvernig í veröldinni á því stendur að utanríkisþjónustan varð að flokksdeild Samfylkingar árin 2009 til 2013.

 

ESB setur engin tímamörk

Athugasemdir

[Sigurður M Grétarsson, 17.10.2013 kl. 12:20]

Ert þú enn og aftur að bera út þá þvælu að við séum í aðlögun að ESB vegna aðildarumsóknar okkar?

Ef þú heldur þessu fram og fullyrðir að til sé skýrsla um það hvernig væri þá að nefna nokkur dæmi um slíka aðlögun. Þá er ég ekki að tala um alla þá aðlögun sem við höfum verið í til samræmis við ESB reglur í tvo áratugi vegan aðildar okkar að EES samningum. Ég er að tala um aðlögun sem er til kominn vegna aðildarumsóknar okkar og var ekki þörf á vegna aðildar okkar að EES samningum. Enn hefur engin ykkar ESB andstæðinga sem eruð að halda þessu fram getað komið með dæmi um þetta. Það segir allt sem segja þarf um þetta bull.

Og það er frekar aumt skítkast á ágætt starfsfólk utanríkisráðuneytisins að halda því fram að það sé einhves konar flokksdeild Samfylkingarinnar bara af því að það vill ekki taka þátt í rangrærslum ykkar ESB andstæðinga.

[Elle_, 17.10.2013 kl. 18:04]

Sigurður?  Það voru aldrei neinar samningaviðræður í gangi.  Það er ekki hægt meðan skilyrði ESB, samkvæmt ESB, er einhliða upptaka laga.  Þeirra laga, ekki okkar.  Þú ættir að vita og gætir kannski kennt brenglurum eins og Ólafi Stephensen og Össuri og öðrum.

[Sigurður M Grétarsson, 17.10.2013 kl. 22:16]

élle. Það er einfaldlega þvæla að hér sé um einhlið upptöku laga að ræða. Öll ríki sem gengið hafa í ESB hafa fengið í gegn breytingar á lögum ESB sér til hagsbóta í þeim málaflokkum sem mikilvægastir eru viðkomandi ríki í aðildarviðræðum sínum. Það eru því raunverulegar samningaviðræður í gangi. Fullyrðingar um annað eru því kjaftæði og breytir engu þó hægt sé að vísa í einhver ummlæi einhvers forsvarsmanns ESB um annað.

[Helga Kristjánsdóttir, 17.10.2013 kl. 23:57]

Hvað þarf oft að minna á þetta sem er skrifað af ESB.” Hugtakið samningaviðræður geta verið misvísandi. Aðlögunarsamningar eru um skilyrði og tímasetningar á því hvenær og hvernig umsóknarríki lagar sig að reglum ESB.,sem telja um 100.þús. blaðsíður. Þessar reglur (einnig þekktar undir nafninu acquis,sem er franska og þýðir>( það sem hefur verið samþykkt) ,eru ekki UMSEMJANLEGAR. Það eru engar viðræður í boði,aðeins ferli sem felur í sér að umsóknarríki innleiðir laga og regluverk ESB. Þvælan og kjaftæðið er þá frá ESB sjálfu. Hitt er svo að koma í ljós að Stefán Fule er farinn að átta sig á ósvífni þeirra sem náðu að þvinga umsóknina í gegn á Alþingi,án þess að spyrja þjóðina eins og þeir þrástagast á og heimta núna.

[Sigurður M Grétarsson, 18.10.2013 kl. 09:02]

Helga. Hvað oft þarf að minna þig á að þrétt fyrir að þessi texti sé skrifaður af einhverjum forsvarsmanni ESB þá hefur raunin orðið önnur í aðildarviðræðum allra ríkja sem gengið hafa í ESB. Og af orðum stækkunarstjóra ESB er það nákvæmlega það sem líka er að gerast í okkar aðildarviðræðum.

Öll ríki sem gengið hafa í ESB hafa fengið í gegn í sínum samningum breytingar á lögum ESB sér til hagsbóta. Það er staðreynd málsins sem segir meira en einhver texti eftir einhvern hátt settan mann innan ESB. Að sjálfsögðu gefa þeir ekki fyrirfram loforð um slíkt enda væru þeir þá að veikja samningsstöðu sína. En þeir hafa alltaf samið um breytingar enda er það markmið ESB að öll aðildarríki hafa hag af því að vera með í samstarfinu. Enda er það ekki ESB til hagsbóta að ríki gangi aftur úr ESB.

[Elle_, 18.10.2013 kl. 17:59]

Við vorum ekkert að tala um forsvarsmenn, Sigurður.  Við vorum að tala um hvað stendur skrifað svart á hvítu frá þessu bákni: NOT NEGOTIABLE.  Þú ert að tala um ómerkilegar og tímabundnar undanþágur sem skipta engu máli fyrir fullvalda ríki.  Við ætlum að halda fullveldinu og þeir geta haldið sig í Brussel. 

[Sigurður M Grétarsson, 19.10.2013 kl. 13:27]

Nei Elle. Ég er ekki að tala um tímabundnar undanþágur. Ég er að tala um varanlegar breytingar á ESB reglum. Því hafa öll aðildrríki náð fram í sínum aðildarviðræðum. Dæmi um það eru relur um heimskautalandbúnað sem Svíar og Finnar náðu í gegn í sínum aðildaviðræðum, reglur um háfjallalandbúnað sem Austurríiismenn náðu í gegn í sínum aðildarviðræðu, reglur um bann útlendinga til að fjárfesta í ferðamannaiðnaði á Möltu og svo mætti lengi telja enda hafa öll, ég endurtek ÖLL aðilrarríki náð einhverju slíku í gegn í sínum aðildarviðræðum. Það er ekki hægt að skilja orð Stefans Fule stækkunarstjóra ESB öðurvísi en svo að slíku megi líka eiga von á gagnvart okkur og þá sérstaklega í sjávarútvegsmálum.

Það eru til fordæmi í sjávarútvegi hjá ESB að ríki sem ein hafa hagsmuni að gæta varðandi tiltekna fiskistofna fái að ráða sjálf öllu því sem þeim viðkemur þar með talið heildarafla. Nú er ESB að vinna að breytingum á sinni sjávarútvegsstefnu þar sem gert er ráð fyrir að þetta verði meginreglan. Nái sú breyting í gegn munum við einir ráða heildrkvóta og öðrum reglum varðandi alla okkar staðbundnu stofna enda engar aðrar þjóðir með veiðiheimildir í þeim. En jafnvel þó það náist ekki í gegn að þetta verði meginreglan þá eru samt talsverðar líkur á því að það náist samkomulag um slíkt hvað okkur varðar í okkar aðildarviðræðum.

Þessir staðbundnu stofnar eru 70% af okkar sjávarauðlindum. Þá standa eftir þau 30% sem eru í flökkustofnum sem við þurfum hvort eð er að semja um við þær þjóðir sem líka eiga þá stofna og höfum því ekki fullt vald yfir þeim hvort eð er óháð því hvort við göngum í ESB eða ekki.

[Helga Kristjánsdóttir, 21.10.2013 kl. 14:24]

Sleppum þá að taka um undanþágur,þær draga hvort sem er ekki lengra en apparatið leyfir. Við erum sjálfstæð þjóð og ætlum að vera það áfram,því það samræmist ekki hagsmunum okkar að vera í Esb. Við sjáum framtíðardrauma tengjast börnum okkar á Íslandi,sem býr yfir svo miklum tækifærum sem pappírsapparatið girnist. --