Baugur er ríki í ríkinu

Hér kemur Baugsfærslan sem var tekin út síðast liðinn miðvikudag. Færslan er aðsent efni frá ónafngreindum sendanda. Ábyrgðarmaður síðunnar hefur gert textagreiningu og borið saman við bréfið sem var sent dómstólum í vikunni og dregur þá ályktun að ekki sé um sama höfund að ræða. En lesendur geta sjálfir dæmt um það. Gerið svo vel.

 

Skv. heimasíðu Baugsgroup starfa um 70.000 manns í þeim fyrirtækjum sem Baugur er kjölfestufjárfestir að og veltan er um 950 milljarðar kr. Skv. upplýsingum frá íslenska fjármálaráðuneytinu eru fjárlög íslenska ríkisins fyrir árið 2007 uppá 367 milljarða.

Velta Baugsfyrirtækja sem Baugur er kjölfestufjárfestir að er því um 258%
HÆRRI en íslensku fjárlögin.

Til samanburðar er velta stærsta fyrirtækis Danmerkur (http://www.maersk.dk/) um 160 milljarðar DKK en fjárlög danska ríkisins eru um 560 milljarðar DKK skv. upplýsingum frá danska sendiráðinu.

Velta eins stærsta fyrirtækis Svíþjóðar sem starfar um allan heim (IKEA) er um 160 milljarðar SEK en sænsku fjárlögin hljóða uppá 2007 milljarða skv. upplýsingum frá sænska sendiráðinu.

Eftir að hafa safnað svo nokkrum gögnum um starfsemi Baugs á Íslandi eingöngu, þ.e. fyrirtæki sem þeir eiga og stjórna vakna hjá manni verulega ákallandi spurningar sem mig langar að heyra þitt álit á og má sjá þær að neðan. En starfsemi Baugs á Íslandi eftir því sem ég best veit má skipta á þessi fyrirtæki en taka verður fram að þetta er alls EKKI tæmandi listi:

365
-Stöð2
-Sýn
-Sirkus
-Bylgjan
-Effem957
-Fréttablaðið
-DV
-Birta

Birtingur
-Séð og heyrt
-Ísafold
-Mannlíf
-Gestgjafinn
-Hér og nú
-Vikan
-Nýtt líf
-Hús og Hibýli

Húsasmiðjan (3jastærsta verslunarfyrirtæki landsins)
-Blómaval
-Egg

Teymi
-Vodafone
-Skýrr (leiðandi á hýsingar og gagnaflutningsmarkaði)
-Kögun (leiðandi á hugbúnaðar og hýsingarmarkaði)
-EJS (meðal stærstu í tölvusölu)
-Securitas (stærsta öryggisfyrirtæki landsins)

Stoðir
-250.000 fm2 af húsnæði sem Baugur leigir svo út
-Smáralind húsnæðið

Hagar
-Bónus
-Hagkaup
-10/11
-Vöruhúsið Hýsing
-Aðföng (Innkaupafyrirtæki Baugs)

Debenhams (stórverslun Smáralind)
Top shop (fataverslun)
Zara (fataverslun)

Þyrping
Þyrping hefur tengst helstu nýsköpunarverkefnum á sviði skipulags- og byggingamála á undanförnum árum og hefur mikla sérþekkingu í þeim efnum. Það hefur opnað félaginu aðgang að færustu ráðgjöfum hér heima og erlendis og gerir félaginu kleift að bjóða fyrsta flokks íbúðar- og atvinnuhúsnæði.

SENA (um 85% markaðshlutdeild á sölu og dreifingu á tónlist og kvikmyndum. Baugur er því langstærsti framleiðandi - dreifingaraðili og söluaðili á öllu sem viðkemur afþreyingarefni sem og hefur umboð fyrir flest öll stærstu merkin á sviði kvikmynda og tónlistar.)
-Skífuverslanir (Laugavegi, Kringlunni, Smáralind)
-tonlist.is (stærsta netverslun með tónlist á Íslandi)
-D3.is (D3 er leiðandi efnisveita frétta- og afþreyingarefnis fyrir alla stafræna miðla)
-Saga film (stærsti framleiðandi auglýsinga og kvíkmynda á íslandi)
-visir.is
-Smárabíó (stærsta kvikmyndahús á Íslandi)

...og svona mætti lengi telja og ég nenni ekki að telja upp hlutabréfaeign þeirra t.d. í FL group sem skipta þúsundum milljóna en hlutabréfaeign þeirra í félögum á Íslandi hleypur á tugum milljarða en ég hef hvorki tíma eða þekkingu til að afla mér heildstæðra upplýsinga um slíkt (enda geta færustu blaðamenn Danmerkur ekki fundið útúr því eins og frægt er orðið vegna kross-eignatengsla og undirfyrirtækja o.sv.frv.).

Mig langar því að spyrja þig eftirfarandi:

a.
Hvernig ætli staðan verði eftir 3-5 ár ? Verður Baugur þá með 4-5 sinnum veltu íslenska ríkisins? Hvernig ætli verði að keppa við þá - m.ö.o. hvernig í veröldinni á að vera hægt að keppa við þá ?

Í dag er það nánast ómögulegt, vöxturinn heldur áfram og áfram og því ljóst að eftir 3-5 ár geta þeir einstaklingar sem þá langar að þreifa fyrir sér í þeim geirum sem þeir starfa á, algerlega gleymt því.

Eða hvað ?

b.
Hvenær telur þú að setja eigi löggjöf, s.k. auðhringjalöggjöf til að hindra frekari vöxt þessa stórveldis ? Hvenær verður Baugur of STÓR fyrir Ísland og íslenskan almenning ?

Er Baugur ekki „Microsoft" íslands ? Eru engin takmörk hversu mikið þeir geta vaxið á 300.000 manna svæði ?

Hvaða mörk telur Alþingi að eigi að vera fyrir vöxt svona fyrirtækis eins og Baugs ?

c.
Hver er ástæðan fyrir því að það er ekkert fjallað um löggjöf þessa efnis í dag ? Hvenær á löggjafinn að grípa inní og segja „það einfaldlega hentar ekki almannahagsmunum, að leyfa ykkur að vaxa frekar" ?

Er það ekki nokkuð augljóst að EINKAFYRIRTÆKI sem er rekið með hámarksarðsemi að leiðarljósi hefur ekki sömu hagsmuni að gæta og almenningur ?

d.
Er það gott fyrir íslenskt samfélag að eitt og sama fyrirtækið/samsteypan sé annaðhvort markaðsráðandi eða nálægt því að vera markaðsráðandi á tugum ólíkra greina í íslensku atvinnulífi ?

Erlendis eru fyrirtæki eins og Microsoft, sem eru nánast markaðsráðandi í EINUM geira settar strangar reglur og ýmis lög sett til að tryggja einmitt að sá aðili verði ekki of stór í EINUM geira.

Baugur er starfandi í nokkrum tugum greina á Íslandi og ráðandi á þeim flestum.

e.
Hvernig ætli staðan verði þegar börnin mín fara á vinnumarkaðinn miðað víð áframhaldandi vöxt Baugs ? Verður einhver möguleiki fyrir þau að starfa EKKI hjá Baug ?

Mér finnst þetta veldi orðið all-skuggalega stórt...og það stækkar og stækkar og sér ekki fyrir endann á því..... Baugur er stofnað 1998 og því ekki nema 9 ára gamalt !

Hvernig ætli 15 ára afmælið þeirra verði ? Hversu stórir verða þeir þá ?
Hvað þá um 20 ára afmælið?

Sér Alþingi virkilega ekkert athugavert við vöxt þessara samsteypu á Íslandi?

Athugasemdir

[Heimir Lárusson Fjeldsted, 24.2.2007 kl. 19:07]

Eftir lestur pistilsins þyrfti ég á áfallahjálp að halda.

Er hún í boði án afskipta Baugs?

[Sigurður Ásbjörnsson, 24.2.2007 kl. 20:28]

Bendi á nýlega færslu mína um Bónus undir fyrirsögninni Hvað er í matinn? http://sas.blog.is/blog/sas/entry/131436/.

[Hannes (IP-tala skráð) 24.2.2007 kl. 21:25]

Hmm kannski er að koma tími til að einkavæða bara Ísland. Ísland Group HF?

Eða Baugur-Ísland HF?

Var einmitt að pæla í þessu í dag, ég fór í 3 verslanir og eftir að við hjóninn eyddum um 7.500kr, allt til Baugs. Matur, pappír og smá dót.

[G (IP-tala skráð) 24.2.2007 kl. 21:39]

Baugur-Ísland,
óskalandið,
— hvenær kemur þú?

[haukur (IP-tala skráð) 24.2.2007 kl. 21:40]

hef einmitt verið að velta þessu fyrir mér, þeir virðast ráða algerlega vöruverði hérna svo spurning er hvort bónus sé nokkuð ódýr verslun, nema í samanburði við hinar baugsverslanirnar til að fá fólk til að halda að bónus sé  vinur láglaunamannsins.

[Sigurður J. (IP-tala skráð) 25.2.2007 kl. 04:43]

Já þetta er hrikalegt.  Ég myndi samt ekki líkja þeim við Microsoft, því þrátt fyrir ægisvald þess fyrirtækis á einkatölvumarkaðnum, þá er það mjög afmarkað svið.    Og einnig í því sambandi, þá er fleytir Baugur bara rjóman ofan af, er ekki í neinni nýsköpun.  Sem sagt skilar litlu til samfélagsins.

[Sigríður Laufey Einarsdóttir, 25.2.2007 kl. 12:17]

Hvers vegna geta verslanir eins og Nótún veitt Bónus samkeppni.

Minnir endilega að fram hafi komið að magnafsláttur á vörum komi ekki allur fram í Bónus heldur sé hann hirtur af fyrirtækinu að því marki að vera samt lægstir á markaðnum. Ekki gott ef satt er. Hvað með Hagkaup eru þeir í tenglsum við Bónus í innkaupum?

[Sigríður Laufey Einarsdóttir, 25.2.2007 kl. 12:18]

Hvers vegna geta verslanir eins og Nótún ekki veitt Bónus samkeppni?

Minnir endilega að fram hafi komið að magnafsláttur á vörum komi ekki allur fram í Bónus heldur sé hann hirtur af fyrirtækinu að því marki að vera samt lægstir á markaðnum. Ekki gott ef satt er. Hvað með Hagkaup eru þeir í tenglsum við Bónus í innkaupum?

[Snorri Gunnars (IP-tala skráð) 25.2.2007 kl. 12:53]

Aðföng er innkaupafyrirtæki Baugs....kaupir fyrir alla verslanir Baugs og selur svo verslunum Baugs aftur með álagningu....millifyrirtæki sem hefur ágætis hagnað vegna þessa...

[Geiri (IP-tala skráð) 25.2.2007 kl. 13:08]

Er einhver þvingaður til þess að versla við Baug? 

Baugur heldur sínu "ríki" vegna þess að markaðslýðræðið kýs það á hverjum einasta degi. Um leið og þeir misnota stöðu sína þá opnast tækifæri fyrir aðra til þess að skapa nýtt veldi.

Eigum við ekki bara að halda í frjálsa markaðinn? Vill fólk virkilega fá gömlu kaupfélögin aftur?

[Sigríður Laufey Einarsdóttir, 25.2.2007 kl. 14:12]

Gæti komið til greina að fá slíka innkaupakeðju. Kaupféllögin voru ekki alvond, oft með betra verð en aðrir.

[Sigríður Laufey Einarsdóttir, 25.2.2007 kl. 14:12]

Gæti komið til greina að fá slíka innkaupakeðju. Kaupféllögin voru ekki alvond, oft með betra verð en aðrir.

[Jonas Sigurðsson (IP-tala skráð) 25.2.2007 kl. 14:54]

 

Geiri....þetta er ekki spurning um markaðslýðræði....þegar stærðin er orðinn svona kemst enginn inná markaðinn....og því "kýs" fólk að versla við baug.

Matvælafyrirtækið Baugur er ekki lengur til heldur alþjóðlegt fjárfestingarfélag sem veltir 3 sinnum meira en íslenska ríkið......það keppir enginn við slíkt félagi á Íslandi sem telur 300.000 hræður.

[Kristján Hafberg (IP-tala skráð) 25.2.2007 kl. 17:21]

Ég er nú sammála því að Baugur er orðinn "skerí" eins og Hallgrímur Helga orðaði það.

 En getur félagið beitt heildarstærð sinni í samkeppni einstakra fyrirtækja sem það á? Jú ég veit að Fréttablaðið var auglýsingabæklingur fyrir Bónus en svona almennt talað, getur Bónus hjálpað Húsasmiðjunni við að undirbjóða Byko eða Vodafone Símann? Eru ekki til lög sem eiga að koma í veg fyrir að þetta sé gert?

[Steinunn Hlynsdóttir (IP-tala skráð) 27.2.2007 kl. 12:56]

Að velja að versla ekki við Baug er orðið ansi flókið mál.  Það sem manni vantar hvern dag getur verið vandi að finna nema hjá Baugs-fyrirtækjum.  Ég reyni að versla við Krónuna, Nóatún, BYKO o.s.frv., en þetta er hægara sagt en gert í öllum tilfellum.

Steinunn Hlynsdóttir

[APG (IP-tala skráð) 28.2.2007 kl. 12:50]

Ég vil nú benda fólki á að bera samfélagið í dag saman við það  samfélagið sem þjóðin  bjó við hér áður. Þá voru heildsalar, kaupmenn og aðrir fyrirtækjaeigendir í eftirtöldum félögum. Kaupmannasamtökunum, Félagi Stórkaupmanna og Vinnuveitendasamtökunum. Þessi samtök höfðu hreðjatak á samfélaginu ásamt SÍS. Félagar í þessum félögum voru svo svo til allir í Sjálfstæðisflokknum sem með Framsókn hélt þjóðfélaginu í ástandi stöðnunar. Það breyttist ekki fyrr en Jón Baldvin vélaði Sjálfstæðismenn til að samþiggja þátttöku í EES. Davíð áttaði sig svo á "mistökum" sínum þegar ýmsir "óæskilegir" brettu upp ermarnar og auðguðust í frelsinu sem EES-samningurinn hafði í för með sér. Nú nýlega hefur komið í ljós að Davíð kom í veg fyrir að erlendir bankar gætu keypt íslensku bankana. Afleiðinguna sjáum við þegar við borgum af lánunum okkar. Baugsmálið hefur skaðað íslensk fyrirtæki, ekki aðeins Baug. Það er nú eins og Davíð og fleirri sakni liðinnar tíðar stöðnunar og lamandi áhrifa fyrra ástands. Enda veldi Bláu Handarinnar þá í algleymingi!