Eignafólkið, óreiðufólkið og ríkisstjórnin

Þjóðþrifamál eins og endurreisn Landsspítala, efling menntunar og betri lífskjör láglaunafólks munu sitja á hakanum haldi ríkisstjórnin óbreyttum kúrs frá gerð stjórnarsáttmála.

Ríkisstjórnin ætlar að umbuna eignafólki annars vegar og hins vegar óreiðufólkinu, eftir því sem best verður séð á stjórnarsáttmálanum. Þar segir

Í ljósi þess að verðtryggðar skuldir hækkuðu og eignaverð lækkaði, m.a. vegna áhrifa af gjaldþroti fjármálafyrirtækja og áhættusækni þeirra í aðdraganda hrunsins, er rétt að nýta svigrúm, sem að öllum líkindum myndast samhliða uppgjöri þrotabúanna, til að koma til móts við lántakendur og þá sem lögðu sparnað í heimili sín.

Lántakendur fá sem sagt sitt bætt og líka hinir sem áttu fasteignir er féllu í verði við hrunið.

Væri ekki nær að finna verðugri viðtakendur opinbers fjár?