Evran sprengir Evrópusambandið

Þýskaland er of öflugt til að starfa jafnréttisgrundvelli með öðrum ríkjum innan gjaldmiðlasamstarfsins um evruna. Þýskaland er líka of veikt til að þvinga sínum vilja upp á samstarfsþjóðirnar 17 í evru-samstarfinu.

Rökrétt niðurstaða af þessari mótsögn er að evran mun sprengja upp Evrópusambandið, segir Dominik Geppert í bókinni: ,,Evrópa sem ekki er til. Banvænn sprengikraftur evrunnar."

Þýskalandi er kennt um ófarir Suður-Evrópu, vegna þess að gengisskráning evrunnar miðar við þýsku iðnaðarvélina sem ekkert ríki í álfunni getur keppt við. Samtímis er Þýskaland ekki nógu auðugt til að greiða niður lífskjör jaðarríkja álfunnar.

Afleiðingin er að Þýskaland er einangraði risinn í evru-samstarfinu. En gjaldmiðlasamstarfið átti einmitt að tryggja að þýski risinn yrði umkringdur vinaþjóðum sem báru enn sár eftir þýska stálið í seinni heimsstyrjöld.

Lærdómur: gjaldmiðlar standa ekki undir stórpólitísku hlutverki. Í grunninn eru gjaldmiðlar aðeins ávísun á efnisleg verðmæti.