Íslenskar stofnanir dæmdar úr leik - þögn Árna Páls

Engin íslensk stofnun er hæf til að leggja mat stöðu og framtíðarhorfur Evrópusambandsins. Þær stofnanir sem kæmu til álita, t.d. smáríkjastofnun Háskóla Íslands, eru bæði skipaðar hörðum ESB-sinnum og einnig á framfæri Brussel.

Erlend stofnun hlýtur að fá það verkefni að setja saman stöðuskýrslu um Evrópusambandið.

Annars er það merkilegt að helsti talsmaður ESB-aðildar, Árni Páll Árnason formaður Samfylkingar, sagði ekki orð eftir fund utanríkismálanefndar í gær. Árni Páll gat ekki einu sinni stunið upp spurningu.

Gunnar Bragi Sveinsson utanríkisráðherra er um það bil búinn að pakka ESB-umsókn Samfylkingar saman. Aðeins á eftir að ganga frá formsatriðum.

 

Óháð stofnun vinni skýrslu um ESB