Samfélagsfriðurinn og nýgræðgisvæðingin

Skipting launakökunnar er viðvarandi þrætuepli stjórnmálanna. Bankamenn hafa undanfarin misseri gengið á undan með fordæmi frá skilanefndum föllnu bankanna og tekið til sín kauphækkanir úr takti. Þá gaf Landsbankinn starfsmönnum sínum milljónir fyrir að mæta í vinnuna. Og auðvitað elur það á nýgræðgisvæðingunni.

Hóflegar kauphækkanir hjúkrunarfræðinga og geislafræðinga voru ekki nýttar til að slá á puttana á þeim fingralöngu. Hressileg útdeiling kjararáðs á opinberum peningum til ríkisforstjóra var olía á eldinn.

Forstjórar stærstu fyrirtækja landsins skammta sér 2,3 milljónir króna í mánaðarlaun. Meðallaun á síðasta ári voru rétt liðlega 400 þús. kr á mánuði.

Láglaunastéttir samfélagins láta vitanlega ekki bjóða sér að þeir efnameiri sölsi undir sig stærri hluta þjóðarkökunnar.  

 

Til að samfélagsfriðurinn haldi þarf sanngirni að vera í skiptingu þjóðarkökunnar. Launaelíta landsins hefur ekki virt sanngirnissjónarmið síðustu misserin. Því verður að breyta.

Siglum hraðbyri inn í „2007-ástand“