Hanna Birna á gráu svæði

Allir sæmilega læsir pólitíska strauma íslensks samfélags vita að meginþorri þjóðarinnar tortryggir útlendinga sem koma til landsins með fullar hendur fjár til að kaupa land. Kínverski vinur Össurar, félagi Núbo, og tilraun hans að kaupa prósentuhlut af Íslandi er enn í fersku minni.

Rök Hönnu Birnu Kristjánsdóttur innanríkisráðherra fyrir því að afnema reglugerð Ögmundar Jónassonar fyrrum innanríkisráðherra um takmarkanir á kaupum útlendinga á fasteignum hér á landi eru klén svo ekki sé meira sagt.

Hanna Birna er komin á grátt svæði og þarf að svara hverra hagsmuna hún gengur.

Nemur reglugerð Ögmundar úr gildi

Athugasemdir

[Sólbjörg, 25.7.2013 kl. 21:23]

Er þetta málefnið sem brann mest á Hönnu Birnu að koma í verk í landspólitíkinni?

Þessi ákvörðun mun trúlega hafa mikill áhrif á fasteignaverð góðra eigna. Gera má ráð fyrir miklum hækkunum því samkvæmt gengi íslensku krónunnar eru "útlendingar" að fá fasteignir hér á hálfvirði miðað við íslendinga sjálfa. Svo vita allir að fasteignasölum er mikið í mun að fá sem hæst verð fyrir eignir.

[Helga Kristjánsdóttir, 25.7.2013 kl. 23:38]

Þá breyti ég bara reglugerðinni aftur til fyrra horfs!!! Annars er best að hlusta á öll rök, þótt sýnist mín sannfæring og Ögmundar halda.

[Sólbjörg, 26.7.2013 kl. 05:41]

Hef alltaf haldið að enginn einn ráðherra gæti breytt reglugerðum nema leggja fram frumvarp til umræðu sem færi svo til atkvæðagreiðslu í þinginu. Er það virkilega ekki svo?

[Jóhann Kristinsson, 26.7.2013 kl. 05:47]

Þetta er til þess að Hanna Birna verður aldrei Forsætisráðherra sem betur fer enda er hún pólitízk loftbóla sem springur fljótlega.

Kveðja frá Lagos.

[Gunnar Th. Gunnarsson, 26.7.2013 kl. 09:19]

Sólbjörg, reglugerð er annað en lög

[Sólbjörg, 26.7.2013 kl. 10:20]

Takk fyrir það Gunnar, en svo afdrifarík reglugerð þessi sem og aðrar ætti ekki að vera á valdi einnar manneskju að ákvarða.

[Kolbrún Hilmars, 26.7.2013 kl. 13:56]

Að afnema eina af fáum skynsamlegum ákvörðunum fyrrverandi stjórnar er alveg út í hött.

Það er af nógu öðru að taka...

[Sleggjan og Hvellurinn, 26.7.2013 kl. 19:32]

Ánægjulegt að Páli er annt um meginþorra þjóðarinnar.

sl