Magma-sukkið enn og aftur

Einkavæðing Hitaveitu Suðurnesja er hörmungarsaga frá upphafi. Helstu útrásarauðmenn Íslands komu við sögu á sínum tíma auk Íslandsbanka sem fóðraði blekkinguna.

Þegar útrásarauðmenn hrukku af skaftinu sótti Árni Magnússon deildarstjóri hjá Íslandsbanka kanadíska raðfjárfestinn Ross Beaty til að eignast HS Orku. Beaty stofnaði sænskt skúffufyrirtæki, Magma, til að komast hjá lögum um eignarhald útlendra á íslenskum auðlindum.

Með einhverjum hætti voru lífeyrissjóðirnir fengnir inn í ferlið. Þrátt fyrir allar þessar æfingar getur Magma ekki borgað af lánum sínum.

Núna stefnir í að enn einn huldufjárfestirinn komi til skjalanna því enginn veit hver eignast skuldabréfið sem Orkuveita Reykjavíkur seldur og er ígildi eignarhluta í HS Orku.

Samþykkti að selja Magma-bréfið

Athugasemdir

[Guðjón Sigþór Jensson, 11.7.2013 kl. 21:29]

Þetta Magma mál átti að stoppa á sínum tíma. Í raun og veru voru þetta ein alvarlegustu mistök ríkisstjórnar Jóhönnu Sigurðardóttur. Þarna náði erlendur braskari taumhaldi á náttúruaðlindum gegnum HS orku með bókhaldsblöffi. Hann hefur verið að greiða sjálfum sér himinháar arðgreiðslur og hver fjármagnar vitleysuna?

Þetta Magma mál reynist íslensku þjóðinni afdrifaríkara og dýrara en Icesave sem í raun reyndist vera hundómerkilegt deilumál dregið niður í tilfinningalega lágkúru. Á meðan gat sá kanadíski fengið nægt olnbogarými með þögn sömu aðila og æstu upp Icesave málið og mögnuðu.

[Guðjón Sigþór Jensson, 11.7.2013 kl. 21:32]

Mjög miklar líkur eru á að stofnun Geysir Green Energy á sínum tíma hafi verið undirbúningur að enn meiri og háskalegri fjárglæfrum. Þessi málefni þyrfti að rannsaka betur og tengsl stjórnmálamanna við braskarana.

Guðlaugur Þór var t.d. ansi lunkinn að næla sér í mjög háar fjárhæðir úr sjóðum þessara braskara.

[Helga Kristjánsdóttir, 12.7.2013 kl. 01:53]

Þrátt fyrir að Magma-málið sé ein alvarlegust mistök Jóhönnustjórnar,að þínum dómi Guðjón, ertu svo firrtur að halda fram að þeir/við sem börðumst gegn þvi að íslenska þjóðin greiddi Icesave svikakröfuna,hefðum valdið aumingjaganginum í Jóhönnustjórn,; “Greyin í jóhönnustjórn voru svo upptekin af að blekkja íslenskan almenning til að greiða svívirðilega Icesave-lyga kröfu,að henni sást yfir blekkinga-ráðabrugg útrásarauðmanna Íslands með fulltingi Íslandsbanka.Hverjum stóð það næst að verja auðlindirnar,,rennandi heitt vatn,, íslenskum stjórnvöldum,? Iss,það er ekki fiskur, áhugalausir um allt nema að knésetja útgerðin.

[Halldór Egill Guðnason, 12.7.2013 kl. 04:42]

Árni Magnússon...hvar er hann í dag? Erum við kannski ekki að tala um sama árna? Svona einhversstaðar á sama kalíberi og alfreð Þorsteinsson?

[Elle_, 12.7.2013 kl. 20:44]

Helga, satt hjá þér með greyin hans Guðjóns.  Skil ekki hvað hann endist við að verja þessa ICESAVE valdníðslu.