Brenna bækur, brennur fólk

Sá sem brennir bækur brennir brátt fólk: í dag eru 80 ár frá bókabrennu nasista í Berlín þar sem ,,óþýskum bókmenntum" var kastað á bálköst á torgi við háskólann.

Í augum nasista var bókabrennan tákn um hreinsun hins þýska anda. Aðrir sáu í bókabrennunni ómennskuna vegsamaða. 

Á torginu, þar sem bókabrennan fór fram, er í dag gluggi í neðanjarðarhvelfingu sem sýnir hvítar bókahillur án bóka. Minnismerki um þriðja ríki Hitlers eru iðulega með þessu einkenni; þau minnast þess sem ekki er. Bækurnar á bálinu og fólkið sem hvarf í logana sem síðar brunnu.