Árni Páll sér aðeins Sjálfstæðisflokkinn

Undir forystu Árna Páls Árnasonar er Samfylkingin orðin hægriflokkur sem útilokar annað stjórnarmynstur en með Sjálfstæðisflokknum. Á þennan veg greinir Stefán Ólafsson prófessor stöðu Samfylkingar undir forystu Árna Páls.

Stefán er talinn þungavigtarmaður í röðum vinstriarms Samfylkingar. Hann hefur varað við vegferð Árna Páls og m.a. gagnrýnt ofuráhersluna á Evrópumálin.

Árni Páll ætlaði sér að ná til ESB-sinna í Sjálfstæðisflokknum og halda áfram ESB-umsókninni.

Þegar Árni Páll lagði upp kosningastrategíu Samfylkingar mældist Sjálfstæðisflokkur með um 35 prósent fylgi og Samfylking rúm 20 prósent. Kjósendur hafa þegar sagt álit sitt á þessum valkosti: Sjálfstæðisflokkur er með um 24 prósent fylgi og Samfylking um 12 prósent.

Þjóðinni verður einfaldlega flökurt þegar ESB-stjórn Samfylkingar og Sjálfstæðisflokks er í kortunum.  

Athugasemdir

[Helga Kristjánsdóttir, 24.4.2013 kl. 17:51]

Jæja nú fara þessar mælingar að hætta og þjóðinni að batna flökuleikinn,nema að Össur taki til við að mæla,þá fer allur skarinn að æla. Það má bara ekki á sumardaginn fyrsta. Gleðilegt sumar!!

[Sólbjörg, 25.4.2013 kl. 08:15]

Þakka þér Páll fyrir ötull skrif sem hafa skilað sínu og vel það, fastur liður hjá mér að lesa blogginn þín. Elsku Helga mín "Skjaldarmeyja Íslands" það er nú réttnefni á þig og og allar konur sem halda uppi vörnum fyrir Ísland. LOKSINS er ný ríkistjórn að fara að taka við, vegna þess er virkilega bjart yfir öllu.

Gleðilegt sumar öll!