Vinstriflokkarnir réðust gegn þjóðinni

Samfylkingin og VG voru stærstan hluta kjörtímabilsins í stríði gegn þjóðinni. Í fyrstu hreinu vinstristjórn lýðveldissögunnar sameinaðist ríkisstjórn Jóhönnu Sig. um það að brjóta niður stjórnskipun lýðveldisins, með atlögu að stjórnarskránni, og að grafa undan fullveldinu - með ESB-umsókninni.

Vinstriflokkarnir fengu ekki umboð 2009 til að kollsteypa lýðveldinu og ekki heldur að flytja fullveldið til Brussel. Þegar þjóðin fékk tækifæri til að segja álit sitt, í tvennum Icesave-kosningum, þá hafnaði hún með afgerandi hætti þátttöku í vegferð ríkisstjórnarinnar.

Þrátt fyrir að Ísland sé öfundað af ESB-ríkjum eins Írlandi, að ekki sé talað um Grikkland, Portúgal og Kýpur, þá þakkar íslenska þjóðin ekki vinstristjórninni að hagvöxtur sé á Íslandi og ekkert atvinnuleysi. Ríkisstjórn Jóhönnu vildi farga þeim verkfærum sem nýttust best til að halda atvinnu uppi og tryggja hagvöxt, - en það eru krónan og fullveldið.

Eftir viku mun þjóðin formlega hafna pólitískri leiðsögn vinstriflokkanna.

Yrði eitt mesta fylgistapið

Athugasemdir

[Birgir Örn Guðjónsson, 20.4.2013 kl. 09:14]

Flott.

Þau eiga ekkert betra skilið.

[Ragnhildur Kolka, 20.4.2013 kl. 09:17]

Það er ekki til svo aumur Portúgali að hann öfundi ekki Íslendinga fyrir að standa utan ESB. Þetta segi eg eftir að hafa þvælst um landið. Allir þekktu til ástandsins heima og vissu að við fórum aðra leið en þá sem verið er að troða upp a þá.

Áberandi var líka að evrópufánanum var ekki veifað nema a helstu raðuneytum. Aðrir, jafnvel lægra settir opinberir aðilar, létu vera að draga þann stjörnumprydda að hún.

[Jóhann Elíasson, 20.4.2013 kl. 09:48]

Og það sem er alvarlegra EINHVERJIR ERU SVO "STROPAÐIR" AÐ ÞEIR ÆTLA AÐ KJÓSA ÞESSA SÖMU FLOKKA Í VOR.  Sumum er hreinlega ekki viðbjargandi....

[rhansen, 20.4.2013 kl. 12:16]

Og kominn timi til ...