Stalíngrad-pissustrákur: 1,5 ár í fangelsi

Læknisfræðinemi meig á styttu óþekkta hermannsins í Volgograd í Rússlandi. Í seinni heimsstyrjöld var  háð orrusta í plássinu sem þá hét Stalíngrad. Rússar og Þjóðverjar eru sammála um að tap sjötta hersins þýska var upphafið að endalokum Hitlers.

Læknisfræðineminn sór sárt við og lagði að hann vissi ekki að styttan væri af óþekkta hermanninum. Engu að síður fékk hann eins og hálfs árs fangelsi en saksóknari krafðist þriggja.

Neminn er egypskur og trúlega vanur úr heimalandi að létta á sér við styttur.

Lærdómur: tökum ekki ósiðina að heiman með okkur í útlöndin. Það gæti endað illa.

Athugasemdir

[Helga Kristjánsdóttir, 22.3.2013 kl. 23:55]

Á fyrstu árum Spánarferða héðan,tóku Íslendingar oft með sér harðfisk. Margir Spánverjar kunnu hrafl í íslensku,en rugluðu auðvitað saman sögnum og nafnorðum. þannig hrópuðu þeir einhverju sinni upp í flughöfn á Spáni míga,míga, og áttu þá við harðfisk í fórum ehv. Vissi ekki hvort þeir gerðu hann upptækan.En landinn kom til að skemmta sér,var kominn í spreng af hlátri,líklega slétt sama þótt mígi utan í styttu af Kólumbusi.