Staðfastur vilji til ESB-aðildar er forsenda viðræðuloka

Forsenda þess að viðræðum Íslands við Evrópusambandið ljúki er að Íslendingar sýni staðfastan vilja til inngöngu í sambandið. Evrópusambandið mælir þennan vilja með aðlögunarkröfum sem umsóknarríki er gert að uppfylla á meðan ferlinu stendur.

Það er einmitt skortur á vilja Íslendinga til að ganga í Evrópusambandið sem varð til þess að ekki tókst að klára samningaviðræður á yfirstandandi kjörtímabili.

Þrátt fyrir að ESB-sinnar á Íslandi viti mætavel að óskuldbindandi viðræður um aðild eru ekki í boði reyna þeir stöðugt að hafa í frammi þá blekkingu að svo sé. Í skoðanakönnun, sem ESB-sinnar létu gera, var spurt Hvort vilt þú klára aðildarviðræður við ESB eða slíta þeim?

Spurningin er fullkomlega út í bláinn þegar útskýringar Evrópusambandsins á aðildarferli eru hafðar til hliðsjónar. Í útgáfu ESB bls 9 segir um samningaviðræður við umsóknarríki

The term "negotiation" can be misleading. Accession negotiations focus on the conditions and timing of the candidate's adoption, implementation and application of EU rules - some 100,000 pages of them. And these rules (also known as the acquis, French for "that which has been agreed") are not negotiable.

Hér segir Evrópusambandið að hugtakið viðræður geti valdið misskilningi. Aðlögunarviðræður fjalli um skilyrði og tímasetningar á innleiðingu umsóknarríkis á regluverki ESB - sem telur 100 þúsund blaðsíður. Og um þessar reglur, sem kallaðar eru ,,acquis" upp á frönsku, verður ekki samið.

Til að ,,klára viðræður" við Evrópusambandið þarf Ísland að innleiða allt regluverk sambandsins. Að öðrum kosti verður ekki til neinn aðildarsamningur.

ESB-sinnar á Íslandi ættu að gera sjálfum sér greiða og skríða undan fávísisfeldinum.

 

Athugasemdir

[Sigurður M Grétarsson, 19.3.2013 kl. 16:56]

Þetta er einfaldlega rangt. Það hefur engin krafa komið frá ESB um neina aðlögun af hálfu Íslands fyrir þjóðaratkvæðagreiðslu um ESB aðild. Sú aðlögun sem þú vísar til á sér stað á því tímabili sem líður milli samþykktar á aðild og þangað til að formlegri aðil verður. Sá tími verður væntanlega um eitt og hálft til tvö ár.

Hvað varðar það að um ekkert sé að semja þá hafa öll ríki sem gengið hafa í ESB fengið samþykktar varanlegar breyitngar á ESB reglum í þeim málaflokkum sem eru mikilvægastir fyrir þær. Það er ekkert sem bendir til annars en að það sama verði upp á teningnum með okkar aðildarviðræður.

Það væri því gegn hefðinni í aðildarviðræðum ESB við umsóknarþjóðir ef við fáum ekki samþykktar einhverjar varanlegar breytingar á fiskveiðistjórnunarkerfi ESB.