Arðrænda amman hans Árna Páls

Árni Páll Árnason nýkjörinn formaður Samfylkingar opnar stefnuræðu sína með tilvísun í ömmu sína sem leið önn eins og margir Íslendingar í kreppunni á fjórða áratugnum. Formaðurinn lýsir stökkbreytingu samfélagins áratugina á eftir kreppuna og eignar krötum stærri hlut en hóflegt er, anda kratar ávallt minnipokaflokkur, - en það er smáatriði.

Afkomendur ömmu Árna Páls njóta fullveldis og forræði eigin mála vegna þess að ákvörðun var tekin að Ísland stæði á eigin fótum með lýðveldisstofnunni 1944 og í lóðbeinu framhaldi var ákveðið að færa út landhelgina til að tryggja efnahagslegt sjálfstæði. Kratar komu mest lítið við sögu í fullveldissögu Íslands.

Í lok ræðu sinna er Árni Páll búinn að gleyma ömmu sinni, sem þáði allt sitt í krónum, og óskapast yfir því að Íslendingar fái ekki lengur greidd laun sín í dönskum krónum, líkt og tíðkaðist fram undir 1920. Samkvæmt formanninum er tíminn eftir 1920 ,,saga skipulegs arðráns á íslensku launafólki" hvorki meira né minna. Amma Árna Páls, sem hafði það skítt á kreppuárunum, þ.e. 1932 - 1940, bjó við arðrán öll eftirstríðsárin, segir barnabarnið í formannsembættinu.

Krónan var þénugt verkfæri alla lýðveldissöguna og gerði okkur kleift að byggja hér um velferðarsamfélag sem stendur Evrópusambandinu langtum framar, eins og Heimssýnarbloggið minnti Árna Pál á.

En það er virkilega leitt að amma hans Árna Páls fór á mis við uppbyggingu velferðarþjóðfélagsins á lýðveldistímanum. Er nokkur möguleiki að hún hafi flutt á meginland Evrópu fljótlega eftir stríð?

 

Vill frið á þjóðarheimilinu

Athugasemdir

[Helga Kristjánsdóttir, 4.2.2013 kl. 01:01]

Líklega afbragðs ræða hjá kalli,enda í sigurvímu sem nýkjörinn formaður,því skyldi hann ekki njóta þess.Það blæs mönnum barátta í brjóst og þeir ætla að leiða flokk sinn nýskýrðan (eða er það ekki,?) til áframhaldandi forystu,með fulltingi yfirþjóðlega valdsins;heimili þeirra og mægjast við okkur,Nei-sinna.Var á flakki á facebook,þar sem Samfó tók gleði sína á ný,því þeim var formaður færður. Gutti hlýtur að vera særður.Nú liggur mikið við,hver og hver vill og verður, D,B,? Ömmur!? Ég á/átti langömmu sem spilaði og söng,því hún var gjaldgeng með stjórnmálaaflinu sem byggði upp velferarþjóðfélagið,sem ég og afkomendur nutu í störfum og menntun. Það yljar gömlum um hjartarætur að

upplifa baráttu fullhuganna,þeirra sem eru tilbúnir að verja heimaland sitt fyrir hnignandi sovét-evrópska valdinu,

[Helga Kristjánsdóttir, 4.2.2013 kl. 01:03]

Alltaf er maður að klína y-loni, nýskírðan,lrt.

[Helga Kristjánsdóttir, 4.2.2013 kl. 01:18]

Jæja kannski ekki langamma en þulan um þá gömlu sótti á mig,en alla vega lönu liðin amma. Áfram fullhugar ekkert ESB.