Samfélagið bíður eftir nýrri ríkisstjórn

Ríkisstjórn Samfylkingar og VG er stefnulaus í öllum stærri málum. Aðilar vinnumarkaðarins þreyja þorrann og góuna í bið eftir nýrri ríkisstjórn sem gæti stikað út stefnu Íslands næstu árin.

Lifandi dauð ríkisstjórn vinstriflokkanna er lærdómur í hvernig ekki á að stunda stjórnmál. Í fyrsta lagi mislas stjórn Jóhönnu Sig. pólitíska ástandið hrapalega. Þrátt fyrir búsáhaldabyltingu var engin stemning í samfélaginu fyrir allsherjaruppstokkun lýðveldisins með ESB-umsókn og nýrri stjórnarskrá. Þegar verst lét var fjórðungur heimila landsins með allt niðrum sig fjárhagslega en þrír fjórðu voru í lagi. Fjórðungurinn var með hávaða sem villti ríkisstjórninni sýn.

Í öðru lagi lét ríkisstjórnin aðgerðasinna í sínum röðum teyma sig út í umsátur um sjávarútveginn þar sem þéttbýli var att gegn landsbyggð.

Í þriðja lagi einkenndist orðfæri og hugarástand ríkisstjórnar Jóhönnu Sig. af hatri. Það sæmir ekki stjórnvöldum að steyta hnefann sí og æ. Þjóðin fékk á tilfinninguna að ríkisstjórnin væri í stríði við sig.

Næsta ríkisstjórn ætti að byrja á því að stíga varlega til jarðar.

Reynt að spinna úr þræði

Athugasemdir

[Helga Kristjánsdóttir, 11.1.2013 kl. 11:34]

Þessi hefur nú ekki verið á jörðinni,heldur einhversstaðar í skýjunum yfir völdum sínum og eftirlætisgælum Esb.Ætli við velflest látum þeim ekki eftir að hanga þar,meiningin er að kjósa fólk á jörðu niðri,með áætlun um vel úthugsuð skref til framfara. Áfram fullvalda Ísland.