Samfylkingarleið inn í ESB er útilokuð

Samfylkingin reynir að selja kjósendum þá hugmynd að hægt sé að plokka út bestu bitna í Evrópusambandinu en fá undanþágur frá lögum og reglum sem ekki henta okkur.

Þessi leið inn í Evrópusambandið er útilokuð og hefur alltaf verið. Það er enn staðfest af talsmönnum ESB núna þegar Bretar vilja draga sig úr hluta af ESB-samstarfinu.

ESB býður aðeins eina leið inn í sambandið, leið aðlögunar þar sem umsóknarríki tekur upp laga- og regluverk sambandsins jafnt og þétt meðan á aðildarviðræðum stendur.

 Eins og segir í útgáfu Evrópusambandsins, bls. 9 efst til hægri

First, it is important to underline that the term “negotiation” can be misleading. Accession negotiations focus on the conditions and timing of the candidate’s adoption, implementation and application of EU rules – some 90,000 pages of them. And these rules (also known as “acquis”, French for “that which has been agreed”) are not negotiable.

Evrópusambandið skýrt og afgerandi að orðið ,,viðræður" geti valdið misskilningi þar sem ferlið er aðlögun og viðræður snúist um tímasetningar á stjórnkerfisbreytingum. Í aðlöguninni felst að umsóknarríki taki upp 90 þúsund blaðsíður af ESB-reglum og þær eru ekki umsemjanlegar.

Samfylkingarforystan byggir málflutning sinn í Evrópumálum á blekkingu.

 

„Geta ekki valið það besta úr ESB“

Athugasemdir

[Ásthildur Cesil Þórðardóttir, 9.1.2013 kl. 12:25]

Þetta hefur legið lengi fyrir, ég las þetta af bloggi Björns Bjarnasonar og birti það á blogginu mínu, og síðar skýrsluna í heild sinni, samt þumbast ESB sinnar við og reyna að láta líta út sem þetta sé bara samningar, og vilja halda þessari vitleysu áfram án þess að hugsa út í afleiðingarnar sem þessar gjörðir eru að skapa hér.

[Ómar Bjarki Kristjánsson, 9.1.2013 kl. 12:53]

Hérna eru nokkrar staðreyndarvillur sem oftar.

Eg kannast ekki við að hafa heyrt sf eða aðra segja að hægt væri að velja ,,bestu bita" úr ESB. Eg hef reyndar engann heyrt tala svona nema kjánaþjóðrembinga og sérstaklega þá sem eru í vinnu hjá elítunni við að spúa própaganda 101.

Í annan stað er ómögulegt að koma viðhengdri frétt heim og saman við prédikun dagsins hjá própagandavinnumanni.

það sem maðurinn í fréttinni er að segja er að ef hvert ríki hafi sýna útgáfu af ESB samningi - þá sé enginn ESB samningur.

Fólk má ekki vera svona heiladautt og opið fyrir kjánaþjóðrembingspropaganda frá vinnumönnum elítunnar.

[Hilmar (IP-tala skráð) 9.1.2013 kl. 14:25]

Það er náttúrulega athygslivert, að allt að fimmtungur þjóðarinnar skuli vera svo illa upplýstur að hann trúi að "samninga" og "undanþágur".

Illa upplýstur er þó sennilega ekki rétta lýsingin. Hér kemur hver ESB pótindátinn á fætur öðrum, og segir að um engar undanþágur sé að ræða, enda ósamrýmanlegt lögum ESB. Þetta stendur líka svart á hvítu, eins og hlekkjað er á hér að ofan.

Illa upplýstur er einhver sem hefur ekki aðstöðu, eða vill ekki verða sér út um upplýsingar.

Nær væri að tala um víðáttuvitleysinga, sem enn trúa á jólasveininn og undanþágurnar.

[Rafn Guðmundsson, 9.1.2013 kl. 17:28]

meira bullið þetta hjá þér núna - bæði sf, ég og fleiri vita að það verður samið um aðild. margt þurfum við að gefa eftir og er það sennilega bara í góðu lagi. margt fáum við í staðinn og svo þurfum við bara að velja - já eða nei

[Kolbrún Hilmars, 9.1.2013 kl. 17:44]

Norskir kíktu tvisvar í "pakkann" og leist ekki betur á en svo að þeir sögðu NEI í bæði skiptin.

Hefur ESB dregið af því þann lærdóm að fleiri glerperlur þurfi að fylgja svokölluðum "samningspakka" Íslands?  

[Haukur Kristinsson (IP-tala skráð) 9.1.2013 kl. 17:47]

Hvað er það sem kemur á óvart í texta ESB, bls. 9, um inngang í sambandið. Textinn meikar algjörlega sens. Auðvitað verða þau ríki, sem event. vilja taka þátt í ríkjasambandi mestu lýðræðisþjóða heimsins, þar á meðal þriggja frá Skandinavíu, að aðlaga sig (to adopt) og taka upp reglur sem gilda í sambandi. Hvað annað?

Eða eigum við kannski að gera það að skilyrði að ESB, sem representerar meira en 500 milljónir Evrópubúa, breyti sínu regluverki og lagi það að úreltum hálfvita reglum okkar? 300 hundruð þúsund manna þjóð, sem gerði svo í buxurnar, bara í fyrradag, að ríkið varð gjaldþrota?

Það varð að gera “emergency call” til IMF sem og til skaparans.

Mér þykir satt að segja frekar ólíklegt að ESB hafi mikinn áhuga á okkar inngöngu, vitandi að við erum óútreiknanlegir og oft á tíðum glannalega ignorant með vanhæfa stjórnmálamenn og arfalélega stjórnsýslu.

 

[Kolbrún Hilmars, 9.1.2013 kl. 18:03]

Haukur, með sömu rökum mætti spyrja af hverju íslenskur almenningur ætti að treysta þessu sama stjórnvaldi fyrir fjöregginu?   Vanhæfum stjórnmálamönnum og arfalélegri stjórnsýslu!

[Hörður Arnarson (IP-tala skráð) 9.1.2013 kl. 18:12]

Af færslu Kolbrúnar að dæma er greinilegt að samningaviðræður/aðlögunarferli milli ESB og Noregs endaðu með kosningu um inngöngu. Norska þjóðin tók ákvörðun í samræmi við samninga sem þar lágu fyrir. Var það ferli aðlögunarferli eða samningaviðræður. . . . Mín Íslenska segir svo að þetta hafi verið samningaviðræður og í bæði skiptin hafnaði Norgur samningnum. Eða voru þeir bara að hafna aðlögunarferlinu . . . .

Skrif Hilmars dæma sig sjálf. Hann er of upplýstur fyrir okkur hin.

Við Pál og Ásthildi er það að segja, að allar þjóðir í sambandinu hafa þéttan undanþágupakka. Hér skal viðkennt að Ísland með baráttu sinni um 100% yfirráð yfir miðunum, eru um leið að höggva í grunnhugmyndafræði sjávarútvegsstefnu sambandsins. Fróðlegt er að sjá hversu langt við komust í þeim efnum og kannski fylgir besta jólagjöf íslenska neytendans með í heildarpakkanum, þeas nýr gjaldmiðill :-)

[Stefán (IP-tala skráð) 9.1.2013 kl. 18:27]

Haukur, góður.

Ég held samt að fáir viti um hvað þú ert að skrifa.

En þar sannarðu einmitt "ignorant" setninguna þína.

Kveðjur til BL eða BS. ;)

[Ásthildur Cesil Þórðardóttir, 9.1.2013 kl. 18:38]

Já Hörður viltu nefna einhverjar varanlegar undanþágur sem lönd hafa fengið, fyrir utan þetta mál hjá Dönum um að kaupa upp alla ágengu þjóðverjana sem voru búnir að kaupa upp flestar strendur Danmerkur setja upp sumarbústaði og girða ströndina af.  Þeir voru búnir að hrekja þá af sér áður en þeir gengu í ESB.  Eða smáundanþágur  á smáeyju, sem engu máli skipti.

Til dæmis má benda á að dönum var meinað að verja strandlengju sína, það verður fróðlegt að vita hvað gerist nú, þegar ljóst er að smygl eiturlyfja fer í stórum stíl gegnum danskar strendur til Noregs og Svíþjóðar.

[Haukur Kristinsson (IP-tala skráð) 9.1.2013 kl. 18:53]

@Stefán, til að byrja með skaltu lesa Skýrslu Rannsóknarnefndar Alþingis, a.k.a. Sannleiksskýrslan. Hún er rúmlega 2000 blaðsíður að lengd og gefin út í 9 bindum. Sá lestur ætti að auðvelda þér að ná áttum á því hvað ég á við með ignorance og dilettantism íslenskrar stjórnsýslu.

Þegar þú hefur lokið þeim lestri skal ég mæla með frekari heimildum.

[Hilmar (IP-tala skráð) 9.1.2013 kl. 19:04]

Ég verð að taka undir það Hörður, að ég er of upplýstur fyrir þig. Ekki fyrir 80% þjóðarinnar, sem sjá í gegnum fíflskuna.

En eins og sannfærður ESB Samfylkingur, þá talar þú fyrir hönd þjóðarinnar.

Nú, þar sem þú ert illa upplýstur og spyrð um Noreg og kosningar, þá er rétt að upplýsa þig, að Norðmenn kusu, löngu fyrir alla "sáttmálanna" sem hafa rígbundið þjóðir ESB, og hirt af þeim allt sem heitir forræði.

Og þar sem þú ert illa upplýstur, eða hreinlega heimskur, þá

er rétt að halda því til haga, að þjóðir ESB hafa ekki "þétta" undanþágupakka.

Það er ekki ólíkklegt að þú hafir reynt að halda þessu kjaftæði fram undir einhverju öðru nikki, og verið rekinn heim með það.

[Ómar Bjarki Kristjánsson, 9.1.2013 kl. 19:16]

þetta er auðvitað alveg hárrétt ábending hjá Hauki.

Hvernig á þessi setning eiginlega að vera? Hvað annað á að standa þarna? Á kannski að standa þarna að aðildarviðræður að ESB snúist um aðildarviðræður að kína eða?

þaðer svo hallæris kjána propaganda 101 legt að spúa þessu sífellt útí bláinn. En sínir vel hve umræðan er á ,,háu plani" hjá Andstæðingum aðildar að ESB. Einstaklega málefnalaus söfnuður.

[Stefán (IP-tala skráð) 9.1.2013 kl. 19:38]

Haukur, ég held að ég sé með á nótunum enda hjartanlega sammála þér.

Það hefur kanski ekki komið nógu skýrt fram;)

[Haukur Kristinsson (IP-tala skráð) 9.1.2013 kl. 19:54]

Sorry, Stefán góður. Kveðja frá BL. 

[Hörður Arnarson (IP-tala skráð) 9.1.2013 kl. 19:54]

Elsku Hilmar. . . æ ekki svaravert!!

Ásthildur: Ég spyr eins og asni en getur þú upplýst mig um þessa stöðu í Danmörku. Hef aldrei heyrt á þetta minnst. Meinað að fylgjast með og eða verjast smyglurum við strendur Danmerkur!!!! Er þetta ekki eitthvað orðum aukið? Ég veit að Jón Bjarnason kenndi ESB um þann skaða sem óveðrið fyrir norðan í september olli bændum en . . . .

Varðandi þéttar varanlegar undanþágur . . þá skipta þær hundruðum, margar þessara undanþága eru af menningarlegum toga sbr. að leyfa nautaat á spáni og leyfa (hálf nautaat) í portugal sem er annars bannað í öðrum ríkjum ESB. Einnig eru þær aðferðir sem notaðar eru við refaveiðar á Bretlandi bannaðar í öðrum ríkjum sambandsins. Verkefni íslensku samninganefndarinnar (síðast liðinn tvö ár og á næsta ári) fer einmitt í að skoða þessi regluverk og sjá hvar það gæti stangast á við íslensk lög með tilliti til aðlögunar eða varnalegra undanþága ef svo ber undir. Varðandi landbúnaðarpakkann, þá voru sett í samningaviðræðum við Svía og Finna inn sérstakt regluverk í kringum allan landbúnað norður af (af mig minnir) 62. breiddargráðu. Hann var skilgreindur sem jaðarsvæði og hlýtir því sérstaka undanþágu frá landbúnaðarlöggjöf ESB. Það er eitthvað sem fæddist í samningaviðræðum á milla ESB, Svía og Finna. Eða var það aðlögun??

[Kolbrún Hilmars, 9.1.2013 kl. 19:56]

Haukur, ég spurði þig fyrir nokkrum dögum hver afstaða þín yrði ef Sviss, landið þitt, tæki þá ákvörðun að ganga í ESB.  

Hef ekki enn fengið svar, og spyr því aftur: Hvort myndir þú styðja ESB aðild Sviss eða mótmæla?

[Hilmar (IP-tala skráð) 9.1.2013 kl. 20:20]

Ekki svaravert segir þú Hörður. Hvað er það sem er ekki svaravert? ÞEtta með undanþágurnar?

Þú ert allavega mættur aftur með innantómt kjaftæði um undanþágur, og dregur fram landbúnað norðan 62°.

Það vill þannig til, að Finnar fengu tímabundna aðlögum, sem rennur út á þessu ári. Svíar koma því máli ekkert við.

Og hinar undanþágurnar sem þú telur upp, er nautaat, og refaveiðar í Bretlandi. Já... þvílíkar undanþágur. Í fyrsta lagi, þá eru engar reglur ESB sem banna refaveiðar og nautaat. Og í öðru lagi... nei... það er víst ekkert í öðru lagi, ESB hefur ekkert með nautaat og refaveiðar að gera, ennþá...

Þú kemur með þetta kjaftæði hingað, og telur aðra ekki svaraverða.

Minnir mig á annan ágætan innlimunarsinna, sem röflaði fjálglega um byggðastyrki, og hvað þeir hefðu nú gert gott fyrir Möltu. Þéttbýlasta ríkis Evrópu.

[Ásthildur Cesil Þórðardóttir, 9.1.2013 kl. 20:35]

Já það var í fréttum bara í gær eða fyrradag að það var rætt um stórfeld fíkniefnasmygl gegnum Danmörku til Noregs og Svíþjóðar gegnum smábátahafnir í Danmörku, þar sem lítil sem enginn gæsla er.  Ég man líka eftir að danir vildu stórherða eftirlit með strandlengju sinni, en ESB kom í veg fyrir það, enda væri þetta allt undir sameiginlegu eftirliti innan ESB.  Það væri því brot á reglum að danir gætu aukið eftirlitið.

[Haukur Kristinsson (IP-tala skráð) 9.1.2013 kl. 20:47]

Sæl Kolbrún Hilmars. Nokkrar infos.

Bilateral agreements Switzerland-EU:

Switzerland has close relations with the European Union on the political, economic and cultural levels. These relations are governed by a whole structure of bilateral agreements concluded over the years between Switzerland and the EC/EU.

The main stages were:

·                     the Free Trade Agreement of 1972

·                     the Insurance Agreement of 1989

·                     Bilateral Agreements I of 1999

·                     Bilateral Agreements II of 2004

Bilateral agreements viðræður eru stöðugt í gangi (continuously). Fimm þjóðaratkvæðagreiðslur (referendums) hafa verið haldnar vegna samninganna.

Ok, á meðan Svisslendingar ná viðunandi bilateral samningum við ESB, verða aðlögunarviðræður ekki á dagskrá, en flestir eru þó þeirrar skoðunar að fyrr eða seinna verði Swiss member í ESB.

Stærsti stjórnmálaflokkurinn, SP (Social Democratic Party) vill viðræður, en enginn meirihlutu væri hinsvegar fyrir því hjá þjóðinni, eins og er, ekki síst vegna þeirra erfiðleika sem ESB glímir við og við öll þekkjum.

Það er mikil og hörð umræða um ESB / Swiss í gangi, hefur alltaf verið, en sú umræða er á allt öðru og hærra plani en norður á klakanum.

[Kolbrún Hilmars, 9.1.2013 kl. 20:55]

Þakka þér fyrir Haukur.  Sviss situr semsagt ennþá á girðingunni og bíður eftir að sjá hvernig ESB dæmið æxlast.

En hver er þín skoðun?  

[Haukur Kristinsson (IP-tala skráð) 9.1.2013 kl. 21:05]

Mín skoðun er sú að aðlögunarviðræður séu ekki tímabærar.

[Sigurður (IP-tala skráð) 10.1.2013 kl. 00:46]

Hefur nokkurs staðar komið fram, hvort það sé á meðal samningsmarkmiða ESB að eyðileggja íslenzka tungu? Ég spyr, því að allmargir af áköfustu talsmönnum innlimunar (þar á meðal í þessum athugasemdum) virðast varla geta skráð heila setningu, án þess að skreyta hana með enskuslettum, ekki alltaf kunnáttusamlega rituðum. Ég sting upp á því, að Páll láti þess getið í síðuhausnum, að hann áskilji sér þóknun fyrir að fjarlægja óumbeðnar enskuslettur.