RÚV líkir Agnesi við barnaníðing

Samfylking og RÚV eru í herferð gegn þjóðkirkjunni. Nýjasta útspilið er að líkja Agnesi M. Sigurðardóttur biskupi við barnaníðinginn Jimmy Savile.

Samjöfnuðurinn milli Agnesar og Savile var í Spegli RÚV í kvöld, frá og með  17:33.

Eru engin takmörk fyrir óþverrahætti RÚV?

Gagnrýnir gagnrýni á Þjóðkirkjuna

Athugasemdir

[hilmar jónsson, 3.1.2013 kl. 19:04]

Óþverraháttur hvað ?

Mér sýnist þú sjálfur vera að sökkva þér til botns í óþverrahætti með ótrúlegri og fáránlegri túlkun þinni á því sem fram kom hjá RUV.

[þór (IP-tala skráð) 3.1.2013 kl. 19:33]

Fær þá frú xxxxxx herbergi á hátæknisjúkrahúsinu?

[ViceRoy, 3.1.2013 kl. 20:14]

Það er ekki verið að líkja Agnesi við Jimmy Savile, heldur er verið að setja dæmið upp í þannig máli að kirkjan sé eins og BBC. Hann bendir á að stofnanir (kirkjan) geti lent í veikri stöðu gegn fjársterkum aðilum sem veita miklu fé til stofnananna. BBC var í bölvuðu veseni út af því máli, eins og flestir vita sem fylgdust með þeim fréttum.

Agnes nefnir á undan 17:33 : "...sá sem þiggur gjöfina, hann þarf að vera með ákveðnar reglur um þetta, þannig að skapist ekki tortryggni. Það þurfa að vera ákveðnar siðareglur um þetta. Þú tekur kannski ekki við gjöfum, eins og ég segi, frá hverjum sem er."  Þaðan er vísað í þetta mál Savile, sem lagði alls kyns hjálparstofnunum lið, styrkti hitt og þetta, og það sennilegast eingöngu til að eiga greiðari leið á þær stofnanir og staði, og var svo náttúrulega bara hinn mesti viðbjóður.

[Óskar Helgi Helgason (IP-tala skráð) 3.1.2013 kl. 20:19]

Sæll Páll; sem og aðrir gestir, þínir !

Þjóðkirkjan; er jafn ógeðfelld og rotin stofnun, sem alþingi.

Yrði landhreinsun mikil; að upprætingu hvoru tveggja, síðuhafi góður.

Enda; Vestræn gerfi- Kristni einungis, til tildurs og tjóns eins, Páll.

Eini munurin á þeim er; að Presta hyskið, felur sinn síðferðis sóðaskap, undir hempum sínum, eða,....... hví skyldi það lið, ekki geta klæðst Liðs foringjabúningum (með; eða án Skambyssuhulsturs), eða þá öðrum aðskornum klæðnaði, við gutl sitt í Kirkjunum, á tyllidögum þeirra, til dæmis að taka ?

Með beztu kveðjum; úr Árnesþingi /

[Hilmar (IP-tala skráð) 3.1.2013 kl. 21:08]

Samfylkingarmenn hafa gersamlega farið á límingunum í dag, vegna þessarar fyrirhuguðu söfnun kirkjunnar fyrir LSÍ.

Ástæðurnar eru náttúrulega margþættar, en ástæðan sem Samfylkingum svíður hvað mest, er að kirkjan er með þessu að fletta ofan af raunverulegri stöðu velferðarmála á Íslandi.

Ég reikna með að nornin Jóhanna hafi gersamlega brjálast yfir þessu, og fengið eitt af sínu frægu ofsafrekjuköstum, og undirmálsfólkið sem sinnir henni hefur hringt í sitt fólk á Rúv, og pantað þessa umfjöllun.

Og að sjálfsögðu fylgja sannir DV kommentarar í fótsporin, eins og m.a. má sjá hér að ofan. Ógeðsliðið hefur verið ræst út, og vei þeim sem stendur í veginum.

[Sigurður (IP-tala skráð) 3.1.2013 kl. 21:17]

Þetta er réttmæt gagnrýni hjá Páli, alveg laus við óþverrahátt. Starfsmaður RÚV en ekki viðmælandi Spegilsins nefndi Saville til sögu í samhengi við frumkvæði Agnesar biskups. Það var óskammfeilið! Hitt er svo annað mál, að Landspítalinn líkist barni í skjóllitlum og rifnum fatagörmum, af því foreldrar þess eyða frekar takmörkuðum efnum sínum í rugl og svall. Auðvitað langar okkur að gefa því hlý föt, þótt okkur sé jafnframt ljóst, að það er ekki nægileg lausn. Foreldrarnir eru vandamálið. Þau geta ekki farið með forræði barnsins. Í tilfelli spítalans er ríkisstjórnin vandinn, nánar tiltekið Samfylkingin og Vinstri grænir, og hin skakka forgangsröðun felst meðal margs annars í gæluverkefnum á borð við ESB-umsókn og nýja stjórnarskrá. Það er gjörsamlega út í hött að afsaka vanrækslu síðustu fjögurra ára með því sem gert var fyrir þann tíma, þegar lækningatækin voru enn í lagi. Og fyrirheit um fjármuni á þessu ári, sjálfsagt að mestu eftir næstu þingkosningar, leysa ekki þann vanda, sem nú þegar hefur leitt til þess, að krabbameinssjúklingar og aðrir eru sendir heim án fyrirhugaðrar meðferðar. Þetta mál eer smánarblettur á stjórnarflokkunum, sem kjósendur ættu að hafa hvað efst í huga við kjörborðið.

[Óskar Helgi Helgason (IP-tala skráð) 3.1.2013 kl. 21:20]

Sælir; á ný !

Hilmar (kl. 21:08) !

Vil taka fram; að hvergi er ég DV athugasemdagjafi - þar sem ég hefi kosið, að vera utan Fésisbókar samfélagsins, alfarið.

Hins vegar; er það görótt mjög, að hjá þeim ágætu feðgum - Reyni og Jóni Trausta syni hans, á DV virðist, sem nýjabrum Fésisbókar skuli gilda, en þau okkar, sem höldum okkur við önnur form, skulum þar, úti vera.

Þannig að; hafi sneið þín átt að beinast að mér, eitthvað sérlega, missir hún algjörlega marks, Hilmar minn.

Vísa þér; að öðru leyti, til síðu minnar - og þar mun þér uppljúkast gamalkunn viðhorf mín, til Þjóðkirkju og alþingis, meðal annarrs, ágæti drengur.

Ekkert síðri kveðjur; þeim, hinum fyrri /

[Sigurður (IP-tala skráð) 3.1.2013 kl. 22:17]

Ég sé ekki betur en líta megi á ummæli Sigríðar Ingibjargar Ingadóttur og Björns Vals Gíslasonar sem áskoranir til stuðningsmanna Samfylkingarinnar og Vinstri grænna um það að láta ekki fé af hendi rakna í hinni væntanlegu fjársöfnun. Hafi það ekki búið að baki, ættu þau ekki síðar en strax að segja það berum orðum, auk þess sem full ástæða er fyrir þau að biðjast afsökunar á þessum frumhlaupum.

[hilmar jónsson, 3.1.2013 kl. 22:23]

Ef einhver ætti að biðjast afsökunar, þá er það síðuhafi fyrir ótrúlega subbuleg skrif. Skrif sem virðast stjórnast af blindu hatri og takmarkaðri dómgreind.

Pistlar Páls minna stundum ískyggilega á annan bloggara sem gekk Páli samhliða í stjórnmálasoðunum.

Bloggara sem meira að segja Mogginn sá sér ekki annað fært að loka á.

[Sigurður (IP-tala skráð) 3.1.2013 kl. 22:58]

Í stað þess að tala almennt um hugsun sína eða nefna einhverja af þeim ótalmörgu, sem af algerlega góðum hug reyna að hjálpa öðrum, dregur starfsmaður RÚV upp nafn eina mannsins, sem þessa dagana hefur verulega illt orð á sér og tengist hjálparstarfi, og þetta tengir sami starfsmaður RÚV við fyrirætlun Agnesar biskups. Það er einfaldlega hneyksli, sem Páli sé þökk fyrir að benda á.

[hilmar jónsson, 3.1.2013 kl. 23:03]

RUV líkir Agnesi við barnaníðing ?

Er ekki í lagi með ykkur ?????

[Ragnhildur Kolka, 3.1.2013 kl. 23:06]

En spennandi. Segðu okkur nu allt um stjórnmálaskoðanir Páls, Hilmar. Eitthvað sem við höfum ekki heyrt áður.

[hilmar jónsson, 3.1.2013 kl. 23:08]

Þarf ekki Kolka. Pistlarnir eru meira og minna kopy paste frá degi til dags og öllum ætti að vera orðið ljóst blæbrigðaleysið..

[Gunnlaugur Ásgeirsson (IP-tala skráð) 3.1.2013 kl. 23:27]

Ég hélt að þetta væri eitthvað grín. Eftir að hafa hlustað er ljóst að svo er ekki. RÚV hefur enn og aftur slegið eigið met í lágkúru. Er ekki orðið tímabært að leggja þessa hörmumg niður??

[Pétur Örn Björnsson (IP-tala skráð) 3.1.2013 kl. 23:53]

"Þetta er auðvitað mjög skuggalegt dæmi" segir starfsmaður RÚV eftir að hafa kjamsað á dæminu um Saville. 

Hlustaðu á þetta Hilmar minn, við erum að tala um Ríkisútvarpið.  Hversvegna kýs starfsmaður að nota svo "skuggalegt dæmi" sem hvað ... hliðstæðu?

Hvernig kýst þú að útskýra þetta Hilmar?  Hefurðu hlustað á þetta, eða ekki?

Mig langar svo bara til að taka sérstaklega undir mjög málefnalegar athugasemdir Sigurðar um málið.

[Aron (IP-tala skráð) 4.1.2013 kl. 03:33]

Þetta er dálítið sérstakt. Jesús Kristur sagði greinilega að það sem mestu máli skiptir, og aðgreinir sannan fylgismanns hans frá öðrum, er samhjálp við náungann. Þetta er dæmigerður gyðinlegur hugsunarháttur, en samkvæmt Gyðingdómi er sá sem ekki hjálpar öðrum, ekki fyllilega maður í raunverulegum skilningi þess orðs, hann er kannski af dýrategundinni homo sapiens, en hann er ekki það sem þeir kalla "mensch" (og merkir allt annað á jiddísku en á þýsku). Þegar kristnar kirkjur loksins ákveða, svona til tilbreytingar, að hlýða orðum rabbíans (rabbí merkir "kennari"/ "leiðbeinandi") mikla frá Nasaret, þá finnið þið þeim allt til foráttu. Þið viljið kannski frekar fá gömlu aflátsbréfin, villutrúarmanna brennurnar, sem ósjaldan fólust meðal annars í að brenna ættmenn og frændur frelsarans, rannsóknarréttinn og fleira síður í anda Rabbíans? Eða að kirkjan sé bara til skrauts, og reyni ekki að kenna fólki siði rabbíans sem hún kennir sig við, sem heimtaði það af öllum sínum fylgismönnum að þeir hjálpuðu náunganum öllum stundum. Alvöru fólk hjálpar úr eigin vasa, og þarf ekki sífellda aðstoð skattstjóra við slíkt. Maður sem borgar bara skattinn sinn er ekki góður maður, hann er bara að gera skyldu sína. Það ættu allir Íslendingar að hjálpa hver öðrum. Það er skammarlegt, fyrirlitlegt, smán og þjóðarskömm að á pínuponsulitlu vellríku frímerkjalandi sé fólk sem líður skort, og fólk sem lætur jafnvel sína nánustu líða skort, ömmur og afa, frænkur og frændur, vini og kunningja. Smán og hneysa, og hafi kirkjan bestu þakkir fyrir að reyna að afstíra því versta. Íslendingar ættu að skammast sín allir sem eins fyrir stöðuna í spítalamálum. Við fáum bara þær ríkisstjórnir sem við eigum skilið, og ríkisstjórnir þessar sem við sjálf kjósum eru ekki blórabögglar fyrir okkar eigið steinhjarta, eigingirni, hegóma, græðgi og vanþroska.

[Axel Jóhann Hallgrímsson, 4.1.2013 kl. 06:30]

Illgirni, rangtúlkanir og útúrsnúningar síðuhafa á staðreyndum hafa náð alveg nýjum hæðum.

[þór (IP-tala skráð) 4.1.2013 kl. 12:53]

Nú er RÚV endanlega komið niður í ruslflokk. Er ekki tímabært að leggja sjoppuna niður og þar með að breyta útvarpsgjaldinu í lækningatækjagjald fyrir Landspítalann. Það yrði góð breyting.

[Arnar Magnússon (IP-tala skráð) 4.1.2013 kl. 13:26]

Segir Vilhjálmur hrænsari sem líkti vinstrisinnum við Gyðingahatur.

[Sigrún Guðmundsdóttir (IP-tala skráð) 4.1.2013 kl. 20:37]

Sammála þér Pétur Örn Björnsson.

Þarna kemur starfsmaður RUV Kári Gylfason upp um sínar vinstri/trúleysisskoðanir - þar liggur illgirnin, rangtúlkunin og útúrsnúningurinn.

[H.T. Bjarnason (IP-tala skráð) 5.1.2013 kl. 15:01]

Ég var rétt í þessu að hlýða á pistilinn.  Ég get ekki með neinu móti heyrt þessa samlíkingu Páls.  Ég hreinlega skil ekki hvaðan þetta kemur.