Þensla eða hjöðnun í hagkerfinu?

Ótvíræð þenslumerki eru í hagkerfinu, t.d. snarminnkandi atvinnuleysi. Til að slá á þenslu þarf að hækka vexti og draga úr opinberum umsvifum

Mótsögnin er sú að það eru jafnframt samdráttareinkenni í hagkerfinu, s.s. minnkandi verðbólga og minni kreditkortanotkun.

Skynsamleg stjórnvöld myndu veita aðhald í ríkisfjármálum og gera ráðstafanir til að verjast þenslu. En við búum (enn) við ríkisstjórn Jóhönnu Sig. sem mun gera sitt ýtrasta til að blása út hagkerfið með opinberu bruðli í þeirri von að kaupa sér hagstæð kosningaúrslit í vor.

Minnsta desemberhækkun á öldinni

Athugasemdir

[Elle_, 21.12.2012 kl. 19:47]

Nei, engar vaxtahækkanir, Páll.  Óþarfi að ýta undir þennan skaða.

[Kristinn Pétursson, 21.12.2012 kl. 21:41]

Það sem skiptir öllu´máli - er að auka verðmætasköpun. "Þensla" sem á upptök í hækkun skattastofna sem velta út í verðlagið vegna er tæplega þess virði að hækka á hana vexti.

Páll - það verður að upprunagreina þensluna. Þensla vegna þess að skattahækkanir velta út í verðlagið sem hækka vísitölu - á þá að hækka vexti - til að stjórnvöld lækki skattana aftur?? Þú veist það gerist aldrei.  Allar þessar "Greiningardeildir" hljóta að greina mismun á "skattahækkunarþenslu" og raunverulegrar þenslu vegna þess að kerfið er að ofhitna.

[Helgi (IP-tala skráð) 22.12.2012 kl. 14:40]

Sæll.

Þú vísar iðulega í atvinnuleysistölur til að segja að hér sé allt í góðu. Þær tölur eru enginn mælikvarði á stöðu mála hér.

Hve margir atvinnulausir hafa flust (flúið) frá Íslandi?

Hve margir eru í skóla núna en væru á atvinnumarkaðinum ef staðan í efnahagsmálum væri betri?

Hve margir eru búnir að missa réttinn til atvinnuleysisbóta vegna þess hve lengi þeir hafa verið atvinnulausir? Hvað mun það kosta sveitarfélögin hérlendis, sem eru nánast gjaldþrota?