ASÍ bíður eftir næstu ríkisstjórn

ASÍ gafst upp á ríkisstjórn Samfylkingar og VG rétt í tíma til að samtökum launafólks verði fyrirgefið þýlyndi sem hún sýndi Jóhönnustjórninni nær allt kjörtímabilið. ASÍ veit eins og alþjóð að fyrsta hreina vinstristjórn lýðveldissögunnar verður sú eina í manna minnum.

ASÍ eru samtök sem þurfa að láta finna fyrir sér, annars lenda mál í upplausn innanbúðar. Eftir því sem Jóhönnustjórnin veiktist vegna innri mótsagna og lítt ígrundaðrar stjórnarstefnu þá varð líklegra að ASÍ myndi þvo hendur sínar af stjórninni. ASÍ situr jú uppi með syndir frá fyrri hluta kjörtímabilsins, t.d. stuðning við Icesave-mál stjórnarinnar. 

Næsta ríkisstjórn getur átt vísan stuðning ASÍ ef skynsamleg og sanngjörn stjórnarstefna ræður ferðinni. Og að framkvæmd stjórnarstefnunnar verði ekki í skötulíki, líkt og hjá Jóhönnu og Steingrími J.