Jóhann Hlíðar áróðursmaður, ekki fréttamaður, á RÚV

Jóhann Hlíðar Harðarson er kynntur til sem fréttamaður á tveim fréttum RÚV í kvöld, bæði Útvarpi og Sjónvarpi. Í fréttinni segir frá embættismanni ESB sem heldur því fram að Ísland fái undanþágur frá reglum ESB. Hér segir á RÚV

Ef semja þurfi um undanþágur á einhverjum sviðum þá verði það gert. Þetta séu raunverulegar samningaviðræður. Öll 12 aðildarríkin, sem gengið hafa í ESB að undanförnu, hafi fengið undanþágur og það sé að sjálfsögðu opið gagnvart Íslandi líka. Hann geti þó ekki fullyrt um það nú hvaða undaþágur Ísland geti fengið.

Jóhann Hlíðar spyr ekki einföldustu spurninga, eins og hverjar þessar undanþágur eru. Jóhann Hlíðar lætur að því liggja að varanlegar undanþágur bjóðist. En engu slíku er til að dreifa. Tímabundnar undanþágur þekkjast en ekki varanlegar. Embættismaðurinn hefði sagt frá undanþágunum ef þær styrktu málstað ESB. Jóhann Hlíðar er of upptekinn að flytja áróður til að spyrja. 

En eins og segir í fréttinni eru þetta ,,raunverulegar samningaviðræður." Einmitt.

 

Athugasemdir

[Gústaf Níelsson, 13.11.2012 kl. 20:22]

Þessi frétt er hreint hneygsli. Rétt er að undanþágur þekkjast tímabundið í aðlögunarskyni, en varanlegar undanþágur ekki. Ríkisútvarpið tekur þátt í ljótum bekkingaleik og einhvern verður að kalla til ábyrgðar!!

[JR (IP-tala skráð) 13.11.2012 kl. 20:26]

Ekkert óvænt hjá Páli Vilhjálmssyni, ef það er hægt að skrifa illa um fólk þá er það gripið !

[Sigurður (IP-tala skráð) 13.11.2012 kl. 21:54]

Ég held við ættum nú bara að skjóta saman og gefa JR næturgagn, svo að hann geti létt á sér annars staðar en á vefnum hans Páls.

[Elle_, 13.11.2012 kl. 22:07]

Já, Sigurður, svona venjulegan kopp.

[Ómar Bjarki Kristjánsson, 13.11.2012 kl. 22:15]

þýðir ekkert að láta svona.

Sá danski staðfestir allt sem eg hef mælt þessu viðvikjandi.

Vi pröve bare ad finne góde losninger, so vorvor skulle island ikke fá undtagelser?

Hann hafnar líka alfarið aðlögunarviðræðumýtunni.

Hefur ekki danmörk 4 undanágur? Og þær ekkert litlar.

Vandamálið við Ísland og undanþágur er - að það er eiginlega engin ástæða til að fá undanþágur.

[Ásthildur Cesil Þórðardóttir, 13.11.2012 kl. 22:25]

Það er alveg ljóst í mínum huga að kvöldfréttir útvarpsins, spegilinn er grímulaus einhliða áróður um ágæti ESB.  VIð ættum að krefjast þess að þessi þáttur skipt um umsjónarmenn, og þar með talda Sigrúnu Davíðsdóttur.  Þetta er bara hneyksli.

[jonasgeir (IP-tala skráð) 13.11.2012 kl. 23:05]

Raunverulegar viðræður! Hahaha!

Merkilegt að þeim hjá RÚV þyki það fréttir!

Nema auðvitað að þeir skilji að þeir séu að búa til fréttir.

-Lygalaupar.

[Ásthildur Cesil Þórðardóttir, 13.11.2012 kl. 23:39]

Það er alvarlegt mál þegar áróðursmenn ESB hafa lagt undir sig kvöldfréttir og fréttaskýringar ríkisútvapsins. 

[Ásthildur Cesil Þórðardóttir, 13.11.2012 kl. 23:52]

Mér skilst að einu varanlegu undanþágur sem fengist hafa í esb séu 50 sjómílna viðurkenning á Möltu og svo einhver fiskistofn í finnskri landhelgi sem vitað er að er ekki annarsstaðar.  Allt annað eru bara tímabundnar undanþágur, ef þetta er rétt, þá er hér um afar misvísandi frétt að ræða og til skammar fréttamanni.  Einhliða áróður og ekkert gert til að leiðrétta kúrsinn.

[Halldór Egill Guðnason, 14.11.2012 kl. 00:22]

RÚV er orðinn nánast óbærilegur miðill að horfa, eða hlusta á. Í gærkvöldi bauð þetta fyrirbæri t.a.m. upp á mexíkóska "verðlaunamynd" þar sem fólk á tíræðisaldri byltist um í "æðisgengnum" samfarasenum, en sögðu svosem ósköp fátt sín á milli. Síðan er reglulega boðið upp á viðtalsþætti starfsmanna RÚV við ýmist núverandi, eða fyrrverandi starfsmenn RÚV um þætti og uppákomur starfsmannanna RÚV hér á árum áður. Að þurfa síðan að sitja undir andskotans ESB áróðrinum í ofanálag við mexikóskar verðlaunamyndir af alverstu sort er barasta meira en ma ma ma bara getur axepterað. Er virkilega lölegt að rukka fyrir þennan andskota?

[Sigurður (IP-tala skráð) 14.11.2012 kl. 01:08]

Gerðu þig ekki vitlausari en þú ert, Ómar Bjarki, með því að gefa í skyn, að hinn 20 ára gamli viðauki Dana við Maastrichtsamninginn (Protokol om Danmarks stilling) standi nokkru öðru ríki til boða eða neitt sambærilegt. Þið innlimunarsinnar ættuð að hlusta á Össur Skarphéðinsson, sem hefur sagt það hreinskilnislega, að viðræður snúist ekki um undanþágur. Og það er margkomið fram hjá ESB sjálfu, alveg ótvírætt (Páll hlýtur að vera búinn að birta krækjur á vef ESB í tugi skipta; lesið innlimunarsinnar hann aldrei??), að engar undanþágur frá neinni reglu sambandsins verði veittar. Þessi danski karl hefði sjálfsagt staðfest það, ef hann hefði fengið að tala meira eða verið spurður vitrænna spurninga. Málið snýst aðeins um það, hvað er leyfilegt að taka sér langan tíma (sem mælist í misserum frekar en mörgum árum) til að innleiða allan hroðann! Gústaf talar um aðlögunartíma, sem er kurteislegt orðalag, en ætli málið snúist ekki meira um það, hvað praktískt talað er mögulegt. Þótt Íslendingar fjölguðu ráðherrum sínum upp í 100, alþingismönnum upp í 200, réðu 300 skjalaþýðendur í fullt starf og styttu ræðutíma á alþingi niður í eina mínútu, værum við enn langt frá því að geta gleypt allar 100.000 blaðsíðurnar á skömmum tíma. Og verður vonandi aldrei!!!

[Helga Kristjánsdóttir, 14.11.2012 kl. 01:54]

Þið segið fréttir gott fólk, ég get þá fagnað því að missa af nýjasta lygaáróðri Rúv og viðtalsþáttum starfsmanna. Hvað svo,? í gær Mexikósk gamalmenni í ,,góðum málum,, eða ,,móðum gálum,, máttu ekki mæla. Þeim líkar þetta vonandi kellunum sem mega ekki heyra fótbolta nefndan. Nú verðum við að fylgjast vel með hvernig Alþingismenn höndla stjórnlagaráðs frumvarpið,af því ræðst hvernig þau eru stemmd sem vilja að við kjósum þau í vor.Byrjum á að segja RÚV. upp.

[Elle_, 14.11.2012 kl. 07:48]

Hvað ætli ´vorvor´ (22:15) þýði á dönsku? 

Hitt er að RUV-Spegillinn hefur alltaf verið Evrópu-Evrópusambands-hallur og ICESAVE-hallur með þessa æðislegu ´fréttakonu´ Sigrúnu Davíðsdóttur þarna.  Spegillinn hefur líka verið áberandi Bandaríkja-andstæður.

[Sigurður (IP-tala skráð) 14.11.2012 kl. 13:53]

Danska orðið vovor þýðir passaðu að koma ekki nálægt mér, og hundar með hálsbólgu nota það oft :)

[Elle_, 14.11.2012 kl. 15:55]

:)