Kínverskt landnám á Norðausturlandi

Norðausturland er að verða kínverskt áhrifasvæði, þökk sé sveitastjórnarmönnum handgengnum Huang Nubo og hans fólki. Handlangari Nubo, Halldór Jóhannsson, sem áður reyndi fyrir sér með lakkrísverksmiðju í Kína, er orðinn að skipulagsfræðingi Langanesbyggðar.

Skipulagsráðgjafinn hannar hafskipahöfn og olíuhreinsunarstöð með 15 þúsund manna byggð. Þetta er til viðbótar við kínversku nýlenduna á Grímsstöðum á Fjöllum.

Fjármagn og mannafli í uppbygginguna á Norðausturlandi kemur frá Kína. Ef fram heldur sem horfir þarf landshlutinn að koma sér upp utanríkisráðuneyti. Líklega verður það staðsett á Þistilfirði. Fyrsti utanríkisráðherra yrði Steingrímur J. Sigfússon, - sem hvort eð er verður á lausu eftir næstu þingkosningar.

Vilja rannsókn á tengslum

Athugasemdir

[Haukur Kristinsson (IP-tala skráð) 25.7.2012 kl. 13:24]

Fáar verksmiðjur menga eins mikið og olíuhreinsunarstöðvar. Jafnvel verri en pappírsverksmiðjur.

Allir hugmyndir um slík ferlíki hér á Íslandi eru ídíótískar.

Einhver verður að koma vitinu fyrir þessa innbyggjara.

[Pétur Örn Björnsson (IP-tala skráð) 25.7.2012 kl. 14:09]

Hjartanlega sammála þér Haukur Kristinsson.

[Kalli Sveinss (IP-tala skráð) 25.7.2012 kl. 16:34]

Og að baki þessu öllu drottnar kommúnistaeinveldið Kína og hlæja sig máttlausa yfir Molbúunum við Norðurskautið , sem eru staurblindir fyrir framtíðaráformun Kínverja.

 Að ógleymdum íslenska Guðföðurnum, Steingrími J. Sigfússyni, sem á skeggið sem aldrei hefur yfirgefið sósíalístískar hugsjónir !

 " Sjá roðann í austri, hann brýtur sér braut" !!