Bankar, áhættufíklar og eftirlit

Í útrásinni eignuðust glæpamenn íslenska banka og skófu þá að innan. Glæpamennirnir réðu í stöður yfirmanna áhættufíkla og ýttu grandvörum starfsmönnum út í horn. Endurreistu bankarnir hafa lítið sem ekkert gert til að útskýra fyrir almenningi að þeir hafi lært sína lexíu.

Opinbert eftirlit með bankastarfsemi hlýtur að taka mið af nýfenginni reynslu og gera ráð fyrir ríkum brotavilja innan bankanna. 

Eitt þáttur eftirlitsins ætti að vera uppsetning á innra eftirliti banka með áhættuhegðun starfsmanna sinna. Innra eftirltið gæfi reglulega skýrslu til opinbers aðila um verkferla í ákvarðanatöku banka. Í útrásinni voru stærstu viðskiptavinir bankanna teknir út fyrir sviga og lutu ekki sömu reglum um afgreiðslu og aðrir.

Opinbert eftirlit með bankastarfsemi þarf að vera margþátta og fleiri en einn opinbera aðili verður að eiga þar aðkomu.

Bankarnir geta ekki haft eftirlit með sjálfum sér ekki frekar en að alkahólistinn geti stjórnað eigin drykkju.

 

Draga í efa nauðsyn þess að stofna fjármálastöðugleikaráð

Athugasemdir

[Halldór Björn (IP-tala skráð) 15.7.2012 kl. 11:31]

Held að það sé nokkuð borðliggjandi, að ef fyrstaárs nemi í endurskoðun, hefði fengið að skoða lánabækur bankanna seinasta dag hvers mánaðar,(og líta á veðin í leiðinni)hefði jafnvel mátt koma í veg fyrir Hrunið.

Síðan átti vaxtastefana Seðlabankans stóran þátt í að setja hér allt á annan endan, að flytja til landsins hundruði miljarða, og setja það á hæstu vexti í heimi, og bullið heldur áfram á þeim bæ, stírivextir 5.75% á norðurlöndunum eru þeir 0.5-2%.

[jonasgeir (IP-tala skráð) 15.7.2012 kl. 11:34]

Það getur engin þurkað alkohólistan, nema hann sjálfur.

Þess vegna algjörlega ómögulegt að ætlast til að almenningur verði ábyrgur gerða siðlausra bankamanna með uppsetningu eftirlits á hinu og þessu.

Þeir eiga að hafa yfir sér alveg nákvæmlega sömu lög og eftirlit eins og allir aðrir þegnar þessa lands.

Bankamenn þurfa að vita að þeir sjálfir lendi í súpunni ef þeir fara yfir um í græðginni.

Það er eina hugsanlega meðferðin á græðgi bankamanna.

Einfalt og klárt.

[Elín Sigurðardóttir (IP-tala skráð) 15.7.2012 kl. 11:54]

Ekki fleiri gagnslaus apparöt takk. Það er enginn vilji til að uppræta spillingu. Spilling kostar sitt. Kjósandi lagði til að borgin opnaði bókhald sitt til að ná niður kostnaði um 10-20%. Þeirri tillögu var ekki svarað en Dagur B. Eggertsson veifar Davíðs dulunni eina ferðina enn.

[Helgi (IP-tala skráð) 15.7.2012 kl. 12:43]

Sæll.

Af hverju ætti enn ein eftirlitsstofnunin að breyta einhverju? FME er til staðar sem og SÍ. Besta eftirlitið er markaðurinn. Hingað þarf að hleypa erlendum bönkum í stað þess að setja á koppinn enn eina gagnslausa stofnun. Svo þarf að gefa það út að bankar sem fara á hausinn verði ekki endurreistir. Það að bjarga banka sem er illa rekinn veikir bankakerfið að innan.

Nú þegar er til frumskógur af lögum og reglum og eftirlitsaðilarnir eru margir og þetta kostar auðvitað pening. Hver á að borga þetta allt saman? Neytandinn gerir það á endanum, menn verða að hugsa svona lagað til enda.

Í stað svona dellu eiga stjórnmálamenn að hugsa sem svo hvað er hægt að gera til að bæta hag almennings. Hingað þarf að lokka erlenda banka sem keppa við íslensku bankana en það mun neyða íslensku bankana til að leggja sig fram.  Er einhver samkeppni á milli íslensku bankanna?

[Pétur Örn Björnsson (IP-tala skráð) 17.7.2012 kl. 03:07]

Helgi, nú skil ég þig ekki, kallarðu það íslenska banka,

sem nú eru í "eigu" hrægamma og erlendra vogunarsjóða?

Við áttum íslenska banka, en þeir voru einka-vina-væddir á tímum vitringanna Davíðs og Halldórs.  Allt eftir gastrónómískum kokkabókum glóbalíska spámannsins Jóns Baldvins um frjálst flæði fjármagns og vinnuafls, skv. EES samningnum.  Það átti eftir að leiða til hörmunga fyrir land og þjóð.

Það gerðist á sagnfræðilegum tíma Geirs og Ingibjargar.

Þær hörmungar hafa helferðarhjú AGS, Jóhanna og Steingrímur framlengt undir slagorði þeirra um skjalborg um endur-einkavæðingu bankanna, fh. hrægamma og erlendra vogunarsjóða. 

[Pétur Örn Björnsson (IP-tala skráð) 17.7.2012 kl. 03:17]

Þau gorta nú af því hvað allt sé í himnalagi, en það segja þau alltaf þegar almenningur er skuldsettur til galeiðuþrældóms til langrar framtíðar.  Það kallar Guðmundur Steingrímsson Bjarta framtíð. 

Helferðarhjúin, hafa borgað inná Icesave skuld Björgólfs feðga, með því að ganga á gjaldeyrisforða Seðlabankans, sem allur er á okur lánum frá AGS og "vinaþjóðum" (hér undanskil ég vitaskuld Færeyinga sem lánuðu okkur af sönnum vinarhug).