172 hagfræðingar gegn evru-björgun Merkel

172 þýskir hagfræðingar mótmæla í opnu bréfi í Frankfurter Allgemeine síðustu tilraun Merkel-stjórnarinnar til að bjarga evrunni. Leiðtogar skuldugra Suður-Evrópuríkja þvinguðu Merkel kanslara að opna leið fyrir skulduga banka að fá bein lán frá seðlabanka Evrópu.

Þýsku hagfræðingarnir segja sparifjáreigendur og lífeyrisþega í mestri hættu vegna áforma að auðvelda bönkum aðgang að lánum frá seðalbanka.

Ótti hagfræðinganna er að skuldir óreiðubanka í óreiðuríkjum muni sliga fjármál þýska ríkisins.

Horfurnar verri en áður var talið

Athugasemdir

[Egill Helgi Lárusson, 6.7.2012 kl. 11:03]

Þegar þú talar um "óreiðubanka í óreiðuríkjum" bendir það til þess að þú þurfir nú að leggjast í smá lestur. Mæli eindregið með því að þú lesir The Lost Science of Money og Web of Debt. Þá sérðu hvernig "óreiða" er innbyggð í kerfið og þar með er vandinn ekki bundinn við lönd eða einstaka banka heldur er sjálft fjármálakerfið sökudólgurinn.

www.umbot.org

[Haukur Kristinsson (IP-tala skráð) 6.7.2012 kl. 13:43]

Fyrir þessum hópi fer Hans-Werner Sinn, sem Þjóðverjar kalla “Rattenfänger”. Brilljant náungi að vísu, en þekktir fyrir spár sem ekki rætast. Bókin hans “Ist Deutschland noch zu retten” (2003), seldist vel, en er í dag í ruslflokki. Þar lofar hann mjög Thatcher-umbætur (reforms) og hversu mikil og góð áhrif þeirra á efnahag Breta hafi verið.

Brandari í dag.

[gangleri (IP-tala skráð) 6.7.2012 kl. 16:05]

Efni bréfs hagfræðinganna er í lauslegri endursögn þetta:Merkel kanslari var þvinguð til að taka rangar ákvarðanir. Það er mikil hætta í því fólgin að mynda bankabandalag sem er sameiginlega ábyrgt fyrir skuldum evrusvæðisins.Skuldir bankanna eru þrisvar sinnum meiri en skuldir ríkjanna og skiptir óheyrilegum summum í þeim ríkjum sem eru í kreppu.Skattgreiðendur í ríkjum með traustan fjárhag munu verða að greiða geysiháan reikning þegar þegar greiða þarf úr vanda ríkjanna fimm. Bankar verða að geta farið í gjaldþrot.Þegar skuldir gjaldfalla verða lánadrottnarnir sjálfir að taka á sig skellinn. Ríkin sem eiga í kreppu hafa áhrif á upphæðina sem bankabandalagið mun bera ábyrgð á....vandinn verður ekki leystur með því að gera alla ábyrga fyrir skuldum...það felur í sér mismunun...ákveðnir skuldarar eru teknir framfyrir og það skekkir samkeppni.....

..