Samfylkingarsálin og Bessastaðir

Sértrúarsöfnuðurinn kenndur við Samfylkinguna ætlaði sér Bessastaði. Í óformlegu prófkjöri sem samfylkingarfólk stóð fyrir á netinu voru nöfn eins og Salvör Nordal,  Stefán Jón Hafstein og Ragna Árnadóttir. Þegar á daginn kom að Þóra Arnórsdóttir var hlutskörpust voru samantekin ráð samfylkingarsálarinnar að útiloka aðra frá framboði.

Fyrstu vikur Þóruframboðsins fóru í áróður um að enginn annar ætti sjens í Ólaf Ragnar en Þóra Arnórsdóttir. Samfylkingarframboðið var fyrst og fremst valdatæknilegt verkfæri til að sýna getu Samfylkingarinnar að vinna kosningar.

Samfylkingin er innistæðulaus frekjukór og Davíð Þór Jónson er sniðugt eintak af þessum söfnuði. Hatursblástur hans gegn Ólafi Ragnari byggir á ,,rökum" eins og þeim að Ólafur Ragnar hóf kosningabaráttuna viku fyrr en áður hafði verið gefið upp.

Samfylkingarsálin sættir sig ekki við að fá ekki Bessastaði á silfurfati og stendur á torgum öskrandi af frekju.

Barátta byggð á „ósannindum og níðrógi“

Athugasemdir

[Jóhanna (IP-tala skráð) 30.6.2012 kl. 08:11]

ég er sama sinnis.

[Jóhann Elíasson, 30.6.2012 kl. 08:19]

Þessi ummæli hans undirstrika hversu mikil mannleysa hann er. Það fer nú ekki á milli mála að hann er bráðgáfaður en hann hefur ekki verið framarlega í röðinni þegar Guð úthlutaði skynseminni..............

[Helgi (IP-tala skráð) 30.6.2012 kl. 09:06]

Sæll.

Orð hans segja mun meira um hann sjálfan en kjósendur Ólafs Ragnars. Maðurinn hefur orðið sér til minnkunnar, þó hann fatti það aldrei sjálfur :-(

[Heimir Lárusson Fjeldsted, 30.6.2012 kl. 10:08]

Tek undir hvert orð Páls.

[Haukur Kristinsson (IP-tala skráð) 30.6.2012 kl. 10:28]

Forsetakosningarnar eru orðnar skrípaleikur. Fólki er talið trú um að sértrúarsöfnuður, gott ef ekki atheistar, ætli að leggja undir sig Bessastaði. Einnig er gefið í skyn að þetta séu óbeint kosningar um aðild að ESB, jafnvel fullveldisafsal. Skammarlegt lýðskrum og innbyggjarar virðast ætla að láta spila með sig, enn einu sinni. En þeir kusu jú afglapana Dabba og Dóra, tvo stúta, aftur og aftur, trekk í trekk, þar til ríkið varð gjaldþrota. Hvorki meira né minna.

[jonasgeir (IP-tala skráð) 30.6.2012 kl. 11:31]

Buhu Haukur. ..skripaleikur! Buhhuu ..org, org.

Gaman ad lesa gagnrynisraddir, bara synd hvad tad er litid vit i teim hja ter. Nu eins og adur.

Tvi midur.

Olafur tryggir fullveldi landsins. Tad er svo einfalt. I tad minsta svo lengi sem Steingrimur, Johanna og co. eru ekki endanlega buin ad drepa fjarhagslega sjalfsbjargargetu rikisins.

[Ásthildur Cesil Þórðardóttir, 30.6.2012 kl. 11:40]

Þessi grein Davíðs Þórs er svo sannarlega honum til vansa. Sammála síðuhaldara og þeim sem hér svara flestum.

[valli (IP-tala skráð) 30.6.2012 kl. 11:56]

Ætli Davíð Þór hafi verið fullur þegar að hann skrifaði þessa grein eða fann hann bara ekkert bitastæðara á Ólaf. Davíð Þór ef þú lest þetta þá vill ég benda þér á að hér gilda sömu gildin og í fótbolta, ef þú ætlar að skora er lágmarkið að hitta á rammann, en þetta skot hjá þér fór langt yfir. Kjósum Ólaf

[Helgi Jóhann Hauksson, 30.6.2012 kl. 12:15]

Væri ekki gaman að menn bentu á eitthvað sem væri rangt í grein Davíðs Þórs.

Annars við þennan stimplahamagng við að stimpla Þóru Samfylkingunni vegna þáttöku í félagi ungra janaðarmanna 1995-1997 eða löngu fyrir stofnun SAmfylkingairnnar þá má benda á að síðuhaldari var formaður Samfylkingarfélags miklu seinna en það og Ólafur Ragnar var einn helsti stofnandi Samfylkingarinnar og hafði í mörg ár unnið að henni m.a. farið um landið með Jóni Baldvin undir fundaheitinu „Á Rauðu ljósi“. Hann er eini frambjóðandinn sem hefur raunverulega djúpstæða tengingu við Samfylkinguna.

[Ásthildur Cesil Þórðardóttir, 30.6.2012 kl. 13:09]

Þú meinar svona látum hann neita aðferðina? En helstu rök ykkar gegn Ólafi er að velta sér upp úr eldgömlum málum.  Málum sem hann jafnvel hefur viðurkennt að hafa gert rangt og beðist velvirðingar á.  Þetta er orðin ansi þunn klisja sem fólk er farið að sjá í gegnum.

[Landfari, 30.6.2012 kl. 13:26]

Helgi, það þykir nú flestum ekki mikill ljóður á ráði manna að hafa eða hafa haft einhver tengsl við Samfylkinguna. Að reyna að afneita þeim tengslum er hinsvegar gagnrýnivert og gefur vísbendiar um að silgt sé undir fölsku flaggi.

Kosningin um forseta snýst ekki um Samfylkinguna. Herdís hefur bent á að það skipti svo miklu meira máli að hafa siðferðilega sterka persónu á Bessastöðum en að embættinu séu settar sérstakar siðareglur. Sama hversu góðar þær siðareglur gætu verið kemur það aldrei í staðin fyrir hitt. 

Siðferðilega sterk persóna sem er vönd að virðingu sinni gerir hinsvegar sérstakar siðareglur óþarfar.

Þóra leggur mikið upp úr að embættinu séu settar siðareglur. Sennilega þarf hún góðan stuðning í þeim. Siðareglur blaðamanna komusamt ekki í veg fyrir að maðurinn hennar væri að vinna fréttir um forsetaembættið á sama tíma og þau voru að láta gera skoðanakönnum um eigið fylgi.

Hún afgreiðir grófa líkamsárás mannsins síns með orðum eins og: hver hefur ekki lennt í slagsmálum eftir ball, bara eins og ekkert sé eðlilegra.

Siðareglur sem ættu að taka á öllum málum sem hugsanlega gætu komið upp í samskiptum fólks yrði það þykkur doðrantur að henni gæfist aldrei tími til að lesa þær allar, ef einghver gælti skrifað þær. 

Þess vegna skiptir siðferði persónunnar sem kosni er svo miklu meira máli en nokkrar siðareglur, sama hversu góðar þær eru.

En svona af því að þú spyrð þá kemur þarna fram í fréttinni að Davíð Þór segir pistilinn ekki skrifaðan af hatri eða heift. Trúir þú því?

[Örn Ægir (IP-tala skráð) 30.6.2012 kl. 13:46]

Gamla góða Ísland aftur takk fyrir! Ekki ESB pelabörn hvorki á alþingi né Bessastaði, þóru kynslóðina sem við hin borguðum skólagönguna fyrir með sköttunum okkar, öll vel menntuðu ESB pelabörnin sem fengu bankastjórastöður yfirumsjón með peningamarkaðssjóðum, markaðssérfræðingana, fjölmiðlafólk og stjórnmálafólk sem skólakerfið ungaði út og tók þátt í bólunni og setti þjóðina á hliðina og gerði næstum gjaldþrota! Ekki meira af 2007 ESB pelabörnum í stjórnkerfi Íslendinga!

[K.H.S., 30.6.2012 kl. 17:26]

Örn Ægir. Þú vekur hjá mér von. Til eru þeir ....

[K.H.S., 30.6.2012 kl. 17:37]

Ég hlustaði einu sinni á viðtal í Útvarpi allra landsmaNNA. þAÐ VAr ÁÐUR EN pÁLL BJARGAÐI SÉR MEÐ AFSALINU TIL ÓÐINS Þá sagði háskólakennari frá því þegar hun var tekin á teppið fyrir að lýsa aÐFERÐAFRÆÐI ÚTRASRGÆJANANNA MEÐ DÆMI og sýndi glæpinn. Rektorinn tók hana á teppið og sagði þetta eru þeir em skaffa ekki klippa á fjárstreymið.

[K.H.S., 30.6.2012 kl. 17:38]

Á erfitt með lyklana en þetta kemur..

[Sigurður (IP-tala skráð) 30.6.2012 kl. 21:05]

Fyrsta ávirðingin, sem Davíð Þór bar á Ólaf Ragnar: "Forsetinn lýsti því yfir að hann hygðist bíða með að hefja kosningabaráttu sína þangað til framboðsfrestur hefði runnið út. Það sveik hann." Davíð Þór vitnar ekki í orð Ólafs Ragnars. Ég veit ekki heldur til, að nein orð hans sé að finna, sem jafna mætti til loforðs. Það eina, sem hægt er að "svíkja", eru loforð, sem menn gefa einhverjum. Svik eru aldrei í tómarúmi. Þau beinast alltaf að einhverjum. Þótt Ólafur Ragnar hafi breytt "áformum" sínum um nokkra daga, hafði hann aldrei gefið neinum frambjóðanda eða þjóðinni það loforð að hefja kosningabaráttu á tilteknum degi, og aldrei verið um það beðinn. Enginn frambjóðandi hafði reyndar lofað neinu í þá veru, svo að ekki koma einu sinni til álita kurteisisástæður. Davíð Þór er gjörsamlega úti í móa og ætti kannski næst að leita uppi heimildir sínar.

[Sigurður (IP-tala skráð) 30.6.2012 kl. 21:16]

Önnur "lygin," sem Davíð Þór bar í löngu og ruglingslegu máli á Ólaf Ragnar, varðar það, að hann hafi með einhverjum hætti sagt Þóru Arnórsdóttur vera "frambjóðanda óvinsællar ríkisstjórnar." Látum nú liggja milla hluta, hvort svo var. En Davíð Þór færir nákvæmlega engin ummæli Ólafs Ragnars þessu til staðfestingar. Ef engin orð eru tilgreind, er auðvitað erfitt að biðjast afsökunar á þeim, leiðrétta rangfærslur um þau, skýra þau betur út eða yfirleitt svara neinu af viti. Þessi spuni Davíðs Þórs fellur þess vegna ekki undir málefnaleg skoðanaskipti. Hann er óboðlegur.

[Sigurður (IP-tala skráð) 30.6.2012 kl. 21:34]

Þriðja ákæruatriði Davíðs Þórs er það, að Ólafur Ragnar hafi ráðizt að starfsheiðri maka Þóru Arnórsdóttur, sem heitir Svavar Halldórsson. Og hér koma ítarlegar hugleiðingar um væntanlega fangavist Ólafs Ragnars, sem eru fullkominn heilaspuni, miðað við allar meiðyrðasakir síðustu alda. Enn einu sinni lætur Davíð Þór hjá líða að nefna nein þau ummæli, sem eiga að varða tugthúsi. Eða yfirleitt eitt einasta orð, sem Ólafur Ragnar hafi sagt. Og engin meiðyrðasök mun reyndar vera til, nema þá á hendur Davíð Þór. Ólafur Ragnar gagnrýndi Ríkisútvarpið, stofnunina, sem svaraði fyrir sig. Hann var sannarlega ekki einn um að gagnrýna þessa stofnun, og útvarpsstjóri ritaði enda starfsmönnum sínum, til að leggja þeim lífsreglur varðandi það að draga ekki taum samstarfskonu í umfjöllun um kosningarnar. Ef Davíð Þór skyldi líta svo á, að krækja á vef Ingimars Karls Helgasonar leysi hann undan ábyrð, er það víðs fjarri, því að hann tilfærir ekki heldur nein meiðandi ummæli Ólafs Ragnars en er reyndar ólíkt prúðari í gagnrýni sinni.