Hugmyndabarátta Gillz er atvinna hans

Egill ,,Gillz" Einarsson er gangandi auglýsingaskilti og fær greitt fyrir að vera andlit 365-miðla og forsíða símaskrár. Gillz sló í gegn sem töffari með vaxtarækt og kvenfyrirlitningu sem aukaþemu.

Gillz varð fyrir þeirri ömurlegu reynslu að vera saklaus ákærður fyrir nauðgun. Vörumerkið Gillz stóð vel til höggs og umræðan var honum mótdræg.

Á þeim tímamótum sem Gillz stendur núna er um tvennt að velja. Í fyrsta lagi að halda fyrri stefnu  til streitu og vera hrokastrákur með bólgna upphandleggi sem lítur á konur sem kynlífsdúkkur.  Í öðru lagi að sjá að sér og tileinka sér manneskjulegri viðhorf til kvenna.

Vandi Gill er að ,,hugmyndabaráttan" sem hann stendur fyrir er atvinna hans. Viðsnúningurinn sem hann þarf að taka verður að vekja eftirtekt.

Til að markaðssetja sig upp á nýtt ætti Gillz að sækja um vinnu sem almannatengill Stígamóta.

Mannorðið beðið alvarlegan skaða

Athugasemdir

[Baldur (IP-tala skráð) 22.6.2012 kl. 11:11]

Sammála.  Svo ætti hann ekki að hika við að fara í meinyrðamál eins og t.d við hana Sóley Tómasdóttur sem er samfélaginu stórhættuleg.  Sú kona hefur ítrekað sýnt fram á það að hún er mannvond og ill.  Hefur fátt til brunns að bera. 

[Steingrímur (IP-tala skráð) 22.6.2012 kl. 13:16]

Páll,

Já, svona svipað og þú ættir að gerast almannatengill fyrir ríkisstjórnina...;-)

[Eva Hauksdóttir (IP-tala skráð) 22.6.2012 kl. 17:59]

Ég hef aldrei verið hrifin af þeirri útlitsdýrkun og yfirborðskenndu djammmenningu sem Egill stendur fyrir.  Þó finnst mér, svona til að gæta sanngirni að það megi vel koma fram að það eru mörg ár síðan hann aflagði þennan ofbeldishúmor sem stöðugt er verið að nudda honum upp úr og að hann baðst opinberlega afsökunar og tók fram í viðtalið við DV í des 2010 að hann vonaði að ungir menn gengju ekki í hans fótspor í þeim efnum. Ég er samt sammála því að það yrði til bóta fyrir ímynd Stígamóta að fá Egil Einarsson sem almannatengil því af tvennu illu er hann þó skárri en þær konur sem ganga svo langt í ógeðsáróðri sínum að flokka drengi undir 10 ára aldri sem kynferðisbrotamenn.

[Sævar Einarsson, 22.6.2012 kl. 21:12]

Eva, hvar getur maður fundið það sem þú segir að "konur sem ganga svo langt í ógeðsáróðri sínum að flokka drengi undir 10 ára aldri sem kynferðisbrotamenn." er þetta Íslenskt dæmi?