Sumarþing og stjórnarfarsinn

Ef allt væri með felldu væri alþingi komið i sumarfrí og ríkisstjórnin langt komin með frumvarp til fjárlaga næsta árs, sem kynnt yrðu í september. Fjárlög eru stefnumótun ríkisstjórna. Jóhönnustjórnin, á hinn bóginn, er ekki með neina stefnu.

Sumarþingið sem nú stendur yfir dregur athyglina frá getuleysi stjórnarflokkanna að setja saman heildstæða stefnu í helstu málaflokkum ríkisvaldsins. Að því leyti þjónar sumarþingið ágætlega hlutverki sínu fyrir ríkisstjórnina og kaupir henni tíma.

Jóhanna Sig. stendur illa í Samfylkingunni. Hún varð að fresta flokksstjórnarfundi til að komast hjá niðurlægjandi umræðum um stöðu ríkisstjórnarinnar. Steingrímur J. getur ekki leitt Vinstri græna til kosninga með útistandandi ESB-umsókn. 

Endaslepp þinglok sem lýkur með frestun á helstu málum ríkisstjórnarinnar eru ekki það vegarnesti sem ríkisstjórnin vonaðist eftir.

 

 

Samkomulag í fæðingu