Játning Þorsteins: Smám saman ESB-aðild

Þorsteinn Pálsson er trúnaðarmaður Össurar Skarphéðinssonar í ESB-ferlinu. Þorsteinn skrifar laugardagspistla í Fréttablaðið og gerir aðildarferlið að umræðuefni. ESB-sinnar standa á því fastar en fótunu að Ísland sé ekki í aðlögun. Þorsteinn notar ekki orðið aðlögun en lýsir ferlinu svona

Aðildarsamningurinn verður til smám saman. Samkvæmt þingræðisreglunni getur utanríkisráðherra ekki gengið frá lokun einstakra kafla nema að baki sérhverri slíkri ákvörðun sé vís meirihlutastuðningur á Alþingi. Þingmenn VG bera efnislega ábyrgð á því sem þegar hefur gerst í þeim efnum með því að verja ráðherrann vantrausti.

Hér er verið að lýsa aðlögun að Evrópusambandinu. Þegar búið er að semja um afmarkað efni, þ.e. tiltekna kafla, er litið svo á að Ísland sé orðið aðili að ESB á því sviði sem kaflinn tekur fyrir. Lýsing Þorstein kemur heim og saman við útlistun Evrópusambandsins á aðlögunarferli umsóknarríkja.

Þorsteinn bendir réttilega á að þingmenn Vinstri grænna bera ábyrgð á aðlögunarferlinu. 

Þegar Ísland hefur gengið aðlögunarferlið á enda er aðeins formsatriði að samþykkja aðild í þjóðaratkvæðagreiðslu - og algert aukaatriði hvort sú atkvæðagreiðsla er ráðgefandi eða bindandi: við værum orðin ESB-ríki að öllu leyti nema nafninu til.

Baráttan gegn ESB-aðild verður þess vegna að vera skæruliðabarátta þar sem barist er á  öllum vígstöðvum gegn aðlögun Íslands að Evrópusambandinu. Við eigum að tortryggja allt sem kemur frá ESB-sinnum enda staðreynd að aðlögun að ESB fer fram á  öllum sviðum þjóðfélagsins og oft undir öðru og saklausara yfirvarpi.

Athugasemdir

[jonasgeir (IP-tala skráð) 2.6.2012 kl. 12:31]

Það er eiginlega merkilegt að nenna að standa í svona ómerkilegheitum.  ..Að geta aldrei kallað hlutina réttum nöfnum.

En svona er valdaelítan á Íslandi í dag.  Því miður.

Samfylkingin er merkilegasta samansafn ómerkinga og smá skítseiða sem sögur fara af, svei mér þá.

[Jóhanna (IP-tala skráð) 2.6.2012 kl. 13:29]

Ég teksvo sannarlega undir það. En er Þorsteinn orðinn krati?

[Valdimar Samúelsson, 2.6.2012 kl. 13:42]

Þetta kemur heim og saman við það að umleið og búið er að samþykkja alla kafla þé setjast íslenskir þingmenn í stóla á ESB þingi sem áheyrnarfulltrúar. Þ.e. áður en þjóðarkosningar verða. Þetta er mikill akkur fyrir unga þingmenn sem gamla því þá er þeim borgið. Góð laun og gott ellikerfi. Við verðum að loka á þetta strax.

[Kalli Sveinss (IP-tala skráð) 2.6.2012 kl. 15:10]

Rétt hjá Valdimar. " Loka á þetta strax" .

 Skyldi almenningur á landi voru vita, að á Evrópuþinginu eiga sæti 765 þingmenn.

 Ísland fengi 6 þingsæti - eða 0,8% vægi !

 Var einhver að brosa ??!

  Eða kannski gráta ?? !!