Útrásarrökin fyrir fjáraustur í stjórnmálaflokka

Stjórnmálaflokkarnir nýttu sér þau rök í útrásinni að til að forða þeim frá því að lenda í vasa auðmanna yrði þjóðin að borga því meira í stöðugt galtómar fjárhirslur stjórnmálamanna. Rökin héldu ekki; þrátt fyrir fjáraustur til stjórnmálaflokka seldu þeir sig auðmönnum.

Starfandi stjórnmálaflokkar eru í fákeppnisstöðu. Ríkisfé er notað til að viðhalda þessari stöðu. Þegar framlag stjórnmálaflokkanna til velferðar þjóðarinnar er metið liggur í augum uppi að þeir standa ekki skil á sínu. 

Aðeins bankarnir eru í minni metum hjá þjóðinni en stjórnmálamenn. Skattpeningum er betur varið í annað en stjórnmálaflokka.

Stjórnmálaflokkar á jötunni

Athugasemdir

[Sigurður (IP-tala skráð) 19.3.2012 kl. 23:50]

Sammála Páli. Slökum líka á reglum um eigin fjáröflun flokka, enda auðvelt að fara í kringum þær. Vil samt sjá einhverja viðleitni til að banna ESB-gull.

[Skattgreiðandi (IP-tala skráð) 20.3.2012 kl. 00:03]

Og haldiði virkilega að einhver stjórnmálamaður á íslandi í dag, muni ljá máls á því að þessum óréttláta frjáraustri verði hætt. Oo seisei NEI.

[Helga Kristjánsdóttir, 20.3.2012 kl. 00:23]

Nei, enginn þeirra tekur í mál að afþakka fjáraustur,en mætti sannarlega banna ólöglega áróðursstofu Esb. ESB-gull? Sigurður,veistu til að þeir séu enn að éta það, þeir fá gyllinæð af því,en sama er mér.