Hollensk krafa um brotthvarf úr evru-samstarfi

Frelsisflokkurinn í Hollandi undir forystu Geert Wilders krefst úrsagnar landsins úr evru-samstarfinu og upptöku sjálfstæðs gjaldmiðils. Krafa Wilders er byggð á skýrslu Lombard Resarch þar sem ókostir evru-samstarfsins fyrir Holland eru útskýrðir.

Skýrslan gerir samanburð á Hollandi annars vegar og hins vegar Sviss og Svíþjóð sem hvorugt er með evru. Á öllum sviðum efnahagslífsins standa Sviss og Svíþjóð betur að vígi en Holland, segir í skýrslunni. Atvinnuleysi er lægra, ríkisfjármálajöfnuður er meiri og hagsveiflur minni, þökk sé sveigjanleika sjálfstæðs gjaldmiðils.

Einskptahagnaður Hollands þegar landið fórnaði eigin gjaldmiðili fyrir evru var upp á 2 til 2,5 prósent af landsaframleiðslu en hefur löngu tapast á þeim áratug sem liðinn er.

Mikilvægasta ástæðan fyrir brotthvarfi Hollands úr evru-samstarfinu er þó ekki óhagkvæmni gjaldmiðlasamstarfsins heldur hitt að það á enga framtíð fyrir sér. Skýrslan tekur af öll tvímæli um að valdið stendur um stórfellda fjármagnsflutninga frá Norður-Evrópu til Miðjaðarhafsþjóða Evrópusambandsins annars vegar og hins vegar upplausn evru-samstarfsins. Stórfelldir fjármagnsflutningar úr norðri fælu í sér stóraukna miðstýringu á efnahagskerfum evrulanda - en fyrir fyrir slíkri breytingu eru ekki pólitískar forsendur.

Barroso forseti framkvæmdastjórnar Evrópusambandisns segir hrylling að yfirgefa evruna. Æ fleiri vakna til meðvitundar um að hryllingurinn verður stórum meiri eftir því sem skuldakreppan gerir upplausn evru-samstarfsins dýrari. Nema, auðvitað, Samfylkingin á Íslandi sem vill ólm taka þátt í litlu ESB-hryllingsbúðinni.

Yrði hryllingur að yfirgefa evruna

Athugasemdir

[GB (IP-tala skráð) 6.3.2012 kl. 07:24]

Sennilega stærsta ástæðan fyrir því að Ólafur ákvað að hinkra við.......

[jonasgeir (IP-tala skráð) 6.3.2012 kl. 08:58]

Samfylkingin er eins og adrir sertruarsøfnudir, heilatvegin og domgreindarlaus i truarbrøgdunum.

Samfylkingin ætlar alls ekki med samningin i tjodaratkvædi. Eda i tad minsta mun hun ekki skipta neinu mali.

Ta er eins gott ad hafa Olaf a forsetastoli sem neitar hugsanlega ad skrifa undir... :)

[Lúðvík Júlíusson, 6.3.2012 kl. 09:16]

Þetta er mjög einkennileg skýrsla og nokkuð ljóst þegar hún er lesin að hún er skrifuð til að styðja við niðurstöðu sem kaupendur skýrslunnar vildu.

Fyrstu setningarnar segja mest:

Statement of Purpose: The Eurozone crisis proves the single currency is flawed. It must change or fragment. The Dutch government faces a momentous national decision – whether to accept change and stay in a possibly shrunkenEurozone or opt out, alone or with Germany.

Ef skýrsluhöfundar eru hlutlausir þá ættu þeir að rökstyðja svona fullyrðingar.

Það er líka alveg ótrúlegt að það er ekki vísað í eina einustu heimild.

Það á ekki að taka mark á svona skýrslu.

[The Critic, 6.3.2012 kl. 16:43]

Merkilegt Páll, ég sá þig og þína félagsmenn ekkert blogga við fréttirnar um veikingu krónunnar, en þær fréttir voru nokkrar í síðustu viku.

[Bragi, 6.3.2012 kl. 22:45]

Lúðvík: Ekki það að eg hafi rýnt í þessa tilteknu skýrslu, en ef þú vilt lesa þér til hvað raunverulega amar að evrusvæðinu, þá geturðu kíkt á þessa skýrslu hér, http://www.piie.com/publications/pb/pb11-13.pdf . Það er örugglega það sem skýrsluhöfundar hollensku skýrslunnar eiga við.

The Critic: Tilkynning kom frá Seðlabankanum í dag þar sem koma fram útskýringar á veikingunni, sjá http://sedlabanki.is/?PageID=13&NewsID=3117

[The Critic, 6.3.2012 kl. 23:01]

Já Bragi nú líður mér betur að vita að smá brölt hjá seðlabankanum með gjaldeyri skuli lækka gengið.

[Bragi, 6.3.2012 kl. 23:06]

Svona út af því að þér hefur væntanlega ekki dottið til hugar að lesa meira en fyrstu setningu tilkynningarinnar: ,,Undanþágur frá gjaldeyrislögum sem bankinn hefur veitt nýlega hafa haft í för með sér umtalsverð gjaldeyriskaup á markaði. Áhrif á gengi krónunnar hafa orðið töluverð þar sem kaupin koma fram á sama tíma og innstreymi gjaldeyris vegna utanríkisviðskipta er í minna lagi og afborganir af erlendum lánum hafa verið miklar."

Mæli svo með að þú hættir að beita hinni séríslensku leið að gera lítið úr öðrum persónum og/eða athugasemdum þegar þú stendur í ,,rökræðum", hollt og gott fyrir sálarlífið og þekkingu.

[Lúðvík Júlíusson, 7.3.2012 kl. 09:18]

Bragi, þó að aðrar skýrslur segi svipaða eða sambærilega hluti þá lagar það ekki þessa stóru galla sem rýra gjörsamlega trúverðugleika hennar.

Varðandi fall krónunnar þá var mér sagt símleiðis símleiðis í gær að ég hafi fengið undanþágu frá gjaldeyrislögunum.  Skemmtileg tilviljun með það og fall krónunnar.

Ég hef einmitt gagnrýnt Seðlabankanns sjálfan fyrir að rökstyðja ekki niðurstöður sínar í eigin skýrslum og að sundurliða ekki þessar undanþágur sem þeir veita eftir ástæðum og gefa upp opinberlega svo við getum séð hvaða undanþágur flestir séu að sækja um og fá.