101-sinnar stjórna Reykjavík

Póstnúmerið 101 er samheiti fyrir meirihluta Samfylkingar og Besta flokksins í Reykjavík. 101 er jafnframt tákn fyrir samfélagsrugl síðustu ára þar sem kjánar urðu auðmenn nánast yfir nótt. Froðufyrirtækin voru flest með heimilisfestu í 101; bankarnir, Baugur, Exista et cetera.

101-sinnar eru andstæðingar flugvallar í Reykjavík vegna þess að þeim finnst ekki ástæða til að huga að skyldum höfuðborgar gagnvart landsbyggðinni. 

Kjánar eru einsýnir, hvort heldur þeir starfa í stjórnmálum eða viðskiptum.

 

Afsalar sér hlutverki höfuðborgar

Athugasemdir

[Helgi (IP-tala skráð) 25.1.2012 kl. 10:47]

Sæll.

Þessi della í skipulagsyfirvöldum er gott dæmi um hve sumir þar hugsa lítt. Svo nefna Austfirðingarnir heldur ekki sjúkraflugið. Í veikindum og slysum geta mínútur oft skipt máli og eiga þeir sem á landsbyggðinni búa bara að hrökkva upp af vegna þess að sumir í Rvk hugsa varla óbrenglaða hugsun?

Vel má vera að flugvöllurinn í Rvk taki mikið pláss og fleira slíkt en margt annað þarf að hafa í huga ef færa á völlinn. Það er því gott að fá þetta frá Austfirðingunum og greinilegt að þeir of fleiri þurfa að hafa vit fyrir þeim sem stjórna í Rvk, eins sorglegt og það nú er.

[Sigurður (IP-tala skráð) 25.1.2012 kl. 14:03]

Hver á Vatnsmýrina? Hvað má hafa miklar tekjur af henni með öðru skipulagi? Hver býður bezt, óniðurgreiddur flugvöllur eða önnur starfsemi? Látum ávöxtun ráða.

[Sleggjan og Hvellurinn, 25.1.2012 kl. 15:35]

Þetta er frekar ómerkileg grein og það er langt seilst til þess að sverta betri borg með því að bendla hugmynd um að færa flugvöllinn við sjálft efnahagshrunið.

[Sleggjan og Hvellurinn, 25.1.2012 kl. 15:40]

Það er líka nokkuð skondið að sömu mennirnir sem vilja flugvöllinn á sama stað vegna skúkrahúsins eru þeir sömu sem vildu sjá Landspítalann lengst hjá Mosfellsbæ... langt frá flugvellinum.

[Jón G (IP-tala skráð) 25.1.2012 kl. 16:32]

Erum við ekki í lýðræðislandi?

Það er hvergi meirihluti fyrir því að færa flugvöllinn,ekki einusinni í 101 Reykjavík.

[Sleggjan og Hvellurinn, 25.1.2012 kl. 16:48]

Það var nú lýðræðislegar kosningar um flugvölinn í RVK.

Niðurstaðan var að flugvöllurinn skal fara.

Við erum í lýðræðislandi ekki satt Jón G?

Þá ætturu að stiðja það að flugvöllurinn fer. 

"AF þeim 30.219 borgarbúum sem tóku þátt í kosningum um framtíð Vatnsmýrarinnar og staðsetningu Reykjavíkurflugvallar vilja 14.913 eða 49,3% að flugvöllurinn verði fluttur annað en 14.529 eða 48,1% að hann verði áfram í Vatnsmýrinni."

http://www.mbl.is/greinasafn/grein/595562/

[hilmar jónsson, 25.1.2012 kl. 20:01]

Sem sagt svæði 101 og allir sem þar búa eru meinsemd. Þá vitum við það.