Krónan kennir ráðdeild og nýtni

Útrásaráratugurinn var  réttur og sléttur fávitaháttur í eyðslu. Fólk keypti bíla á 100 prósent lánum í erlendri mynt og veðjaði á að dollarinn myndi kosta fimmtíukall til eilífðarnóns. Eftir hrun urðu margir til að grenja opinberlega um ,,forsendubrest" þegar eina sem brást var þeirra eigin dómgreind.

Við hrunið áttum við blessunarlega krónuna sem veitti okkur hraðnámskeið í ráðdeild og nýtni þegar hún féll um meira en 50 prósent á einu augabragði. Bílar tvöfölduðust í verði og krónan gerði gamlar druslur að djásnum.

Til viðbótar hélt krónan uppi atvinnu í landinu því án gengislækkunarinnar hefði orðið að segja upp fólki til að lækka kostnað. 

Krónan kippti Íslendingum inn í veruleikann eftir hrun og fyrir það verður seint fullþakkað.

Mikið um eldri bíla í viðgerð

Athugasemdir

[Halldór Jónsson, 11.12.2011 kl. 12:52]

Hvað annað?

[Halldór Björn (IP-tala skráð) 11.12.2011 kl. 14:55]

Ertu nú alveg viss, um að það eina sem brást, hafi verið þeirra eigin dómgreind.

gudbjornj.blog.is

Raunveruleikinn með réttri verðtryggingu.