Icesave-rök fyrir ESB-umsókn

Icesave-rökin fyrir ESB-umsókn Ísland er að gefa upp á bátinn íslenska hagsmuni í þágu Evrópusambandsins. Samtök iðnaðarins börðust fyrir því að íslenskir skattgreiðendur tækju á sig ábyrgð á skuldum einkabana og túlkuðu þar sem hagsmuni breskra og hollenskra stjórnvalda.

Þjóðin hafnaði Icesave í tvígang í þjóðaratkvæðagreiðslu enda eiga Icesave-sinnar og aðildarsinnar það sameiginlegt að taka ekki nei fyrir svar.

Deilur Íslands við Evrópusambandsins um veiði á deilistofnum myndu sjálfkrafa leggjast af við inngöngu í sambandið - framkvæmdastjórnin í Brussel færi með forræði Íslands í öllum samskiptum við önnur fiskveiðiríki.

Icesave-rökin fyrir ESB-umsókn eru uppgjafarrök.

Rætt um viðskiptaþvinganir gegn Íslandi

Athugasemdir

[Kristján B Kristinsson (IP-tala skráð) 15.11.2011 kl. 13:09]

Nú sýnir ESB sitt rétta andlit, sbr valdaránin í Grikklandi og á Ítalíu þeir eru bara rétt að byrja.

[Jón Halldór Guðmundsson, 15.11.2011 kl. 14:08]

"Deilur Íslands við Evrópusambandsins um veiði á deilistofnum myndu sjálfkrafa leggjast af við inngöngu í sambandið - framkvæmdastjórnin í Brussel færi með forræði Íslands í öllum samskiptum við önnur fiskveiðiríki."

Athyglisvert mál hjá þér Páll. Nú ert þú helsti Evrópufræðingur landsins. Hvernig skiptast fiskveiðréttindi ESB milli aðildarríkja þess? Og annað þessu tengt: Nú er það svo að veigamestu skilyrði okkar vegna hugsanlegrar inngöngu í ESB er að réttur okkar eða útgerða okkar verði tryggður til veiða á Íslands miðum og að ESB útgerðum verði ekki hleypt þar inn.  Er það rétt að dæmi séu um að íslenskar útgerðir veði innan fiskveiðilögsögu ESB?

[Elle_, 15.11.2011 kl. 15:21]

Það verður ekkert um neina fiskveiðilögsögu samið - NOT NEGOTIABLE segir í sáttmálum sambandsins - svo inngöngusinnar geta hætt að tala um ´samninga´ og farið að kalla það fullvedissafsal. 

[Lúðvík Berg Bárðarson (IP-tala skráð) 15.11.2011 kl. 16:35]

ÉG held að flestir heilvita menn hljóti að sjá hversu mikið glapræði það er að fara inn í ESB, sumir virðast þó því miður algerlega blindir á hættuna sem því fylgir.

[Guðmundur 2. Gunnarsson (IP-tala skráð) 15.11.2011 kl. 18:21]

Icesave ofbeldið og ESB er sín hvor hliðin á sama peningnum eins og allir ættu að vita og viðurkenna í dag.

.