ESB þvær hendur sínar af Samfylkingunni

Samfylkingarhluti ríkisvaldsins er ekki með heimild frá alþingi að setja Ísland í aðlögunarferli inn í Evrópusambandið. Eina leiðin inn í Evrópusambandið er leið aðlögunar. Í Brussel er litið svo á að umsókn Samfylkingarinnar um aðild Íslands að Evrópusambandinu sé til heimabrúks.

Hvorki hefur Samfylkingin stuðning alþingis né samstarfsflokksins í ríkisstjórn fyrir aðlögunarferlinu. Vinstri grænir hertu á andstöðu sinni við aðild á nýafstöðnum landsfundi og útilokuðu aðlögun.

Evrópusambandið setur fram skilyrði fyrir áframhaldandi viðræðum til að sýna fram á að umsókn Samfylkingar er á einskinsmannslandi. Brussel segir: annað tveggja er að draga umsóknina tilbaka eða sýna fram á að breiður stuðningur sé við umsóknina á stjórnmálakerfinu og meðal almennings.

Samfylkingin er umboðslaus að gera bjölluat í Brussel og ætti að skammast sín. 

Ísland tefur ekki viðræðurnar

Athugasemdir

[Helga Kristjánsdóttir, 3.11.2011 kl. 13:10]

Mér sýnist að ESB. ráðamenn séu eftir allt,siðferðilega sterkari en Samfylkingamenn á Íslandi.

[Guðmundur 2. Gunnarsson (IP-tala skráð) 3.11.2011 kl. 16:26]

Samfylkingunni tekst að leggja sjálfa sig niður vegna lyga og þekkts óheiðarleika.  Þau vinna í anda og eftir skipunum hugmyndafræðings flokksins og eigandans Jóns Ásgeirs Jóhannessonar.

.

[Jóhanna (IP-tala skráð) 3.11.2011 kl. 20:02]

Jón ráðherra heldur að enginn vilji semja frá sér sjávarauðlindirnar.

Skyldi hann aldrei hitta utanríkisráðherrann?

Hann sem hefur sagt að það þurfi enga sérsamningaum landhelgi.