Svik Vinstri grænna í ESB-málinu

Júdasardeild Vinstri grænna reynir að ljúga sig frá svikum við stefnuskrá og kjósendur í málefnum Evrópusambandsins. Menntamálaráðherra og aðstoðarmaður hennar freista þess að gera Ragnar Arnalds að ósannindamanni, samanber þessa færslu.

Til umræðu er samþykkt landsfundar Vinstrihreyfingarinnar græns framboðs frá í mars 2009 um Evrópumál sem sem hljóðar í heild sinni svona

Vinstrihreyfingin - grænt framboð telur nú sem fyrr að hagsmunum Íslands sé best borgið utan Evrópusambandsins.  Sjálfsagt er og brýnt að fram fari opin og lýðræðisleg umræða um samskipti Íslands og sambandsins. Landsfundur VG leggur áherslu á að aðild íslands að ESB eigi að leiða til lykta í þjóðaratkvæðagreiðslu. Landsfundur telur mikilvægt að fyrirkomulag þjóðaratkvæðagreiðslu fái rækilega umræðu og að hliðsjón verði höfð af væntanlegum stjórnarskrábreytingum og hvað eðlilegt getur talist þegar afdrifaríkar ákvarðanir eru teknar um framsal og fullveldi.

Forysta Vinstri grænna og meirihluti þingflokks sveik þessa samþykkt þann 16. júlí 2009 þegar þeir höfnuðu fyrirliggjandi tillögu á alþingi um að þjóðaratkvæðagreiðsla yrði um það hvort Ísland ætti að sækja um aðild að Evrópusambandinu.

Júdasardeild Vg samþykkt á hinn bóginn tillögu Össurar Skarphéðinssonar um að sækja um aðild að Evrópusambandinu. Umsóknin er um aðlögunarferli þar sem Ísland er smátt og smátt tekið inn í Evrópusambandið með innleiðingu laga- og regluverks ESB á meðan viðræður standa yfir. Leið aðlögunar er eina leiðin inn í Evrópusambandið.

Júdasardeild Vg getur bætt ráð sitt með því að styðja tillögu Vigdísar Hauksdóttur alþingismanns um að efnt verði til þjóðaratkvæðgagreiðslu um það hvort halda skuli aðlögunarviðræðum áfram eða afturkalla umsóknina.

 

 

 

 

Athugasemdir

[Elín Sigurðardóttir (IP-tala skráð) 2.10.2011 kl. 15:35]

Já en Steingrímur ræður engu. Þeir VG liðar sem eru ósáttir með ESB geta mótmælt heima hjá Ragnari Arnalds. Þeir sem eru ósáttir með Sjóvá geta mótmælt heima hjá Bjarna Ben - gjarnan með karaókísöng.

[Guðmundur 2. Gunnarsson (IP-tala skráð) 2.10.2011 kl. 16:00]

Það sem er kostulegast að ESB brekkurnar og þær í VG með Steingrím í broddi fylkingar börðust gegn því að þjóðin fengi að tjá sig um ágæti Icesave og það í tvígang vegna hversu flókið málið og glæsismningarnir voru.  Þeir voru nokkrar blaðsíður.  Sömu brekkur telja 2 - 300 kíló af þéttskrifuðum pappír verður sturtað inn um lúgur landsmanna að það mun vera hið minnsta mál að skilja út á hvað ESB gengur og kjósa um. 

Batnandi mönnum er best að lifa. 

Það sem er athyglisverðast er að fæstir virðast gera sér grein fyrir að það verður ekki kosið um ESB heldur er aðeins um ómerkilega skoðanakönnun að ræða í boði Samfylkingarflokkanna beggja sem stóðu í vegi fyrir að skoðun þjóðarinnar á málinu yrði ekki bindandi fyrir stjórnvöld sem mega túlka hana að vild. 

Greindasti maður þjóðarinnar, Björn Valur Gíslason hafði þetta að segja í júlí síðasliðnum þegar Pétur Blöndal vísaði til óundeilanlega niðurstöðu þjóðaratkvæðagreiðslunnar um Icesave, sem var á nákvæmlega sama hátt og hugsuð ESB kosningin aðeins ráðgefandi skoðanakönnun.

Björn Valur skrifaði orðrétt á heimasíðu sína.:

 "Niðurstaða málsins er einföld: Icesave-skuldin verður greidd að fullu eins og Pétur veit rétt eins og allir aðrir. Það hefur aldrei annað staðið til. Breytir þar engu um hvort Pétur verður áfram á vaktinni eða kominn í koju.".

Í gær túlkuðu stjórnarliðar með Jóhönnu sem talsmann þeirra að mótmælin höfðu beinst að þinginu öllu en ekki bara stjórnvöldum.

.

[Kristján B Kristinsson (IP-tala skráð) 2.10.2011 kl. 16:35]

Páll þarf eitthvað að greiða  þjóðrtrathvæði um hvort eigi að halda áfram esb aðlögunuinni, er ekki best að efna til alþingiskosninga þar verða átakalínurnar um hvort halda eigi þessu áfram, þau framboð sem hafa sömu skoðun og meirihluti þjóðarinnar þau vinna næstu kosningar. 

[Magnús Helgi Björgvinsson, 2.10.2011 kl. 17:26]

Kannski rétt að kynna sér málið. Katrín Jakobs leiðrétti Ragnar og las upp af netinu rétt ályktun sbr. "Katrín lét ekki slá sig út laginu og fór rakleiðis í pontu. Þar frábað hún sér það að vera sökuð um sögufalsanir. Að því loknu las hún ályktunina beint upp af heimasíðu flokksins:"

„Vinstrihreyfingin – grænt framboð telur nú sem fyrr að hagsmunum Íslands sé best borgið utan Evrópusambandsins.  Sjálfsagt er og brýnt að fram fari opin og lýðræðisleg umræða um samskipti Íslands og sambandsins. Landsfundur VG leggur áherslu á að aðild íslands að ESB eigi að leiða til lykta í þjóðaratkvæðagreiðslu. [...]“

Hægt að lesa um þessa vileysu hér. http://eyjan.is/2011/10/02/ragnar-arnalds-sagdi-katrinu-falsa-afstodu-vg-til-esb/   Og væri gott ef að Páll sem kallar sig blaðamann færi nú rétt með málin svona einu sinni.

[Elín Sigurðardóttir (IP-tala skráð) 2.10.2011 kl. 17:36]

http://www.dailymail.co.uk/news/article-2044316/David-Cameron-NOT-support-UK-referendum-EU-membership.html

[Guðmundur 2. Gunnarsson (IP-tala skráð) 2.10.2011 kl. 18:00]

Sennilega finnast ekki margir sem taka Magnús Helga Björgvinsson alvarlega og örugglega ekki eftir að hann reynir að villa um fyrir lesendum og halda bara annarri hlið málsins á lofti og "GLEYMIR" að birta svar Ragnars Arnalds.  Að vanda heldur hann á lofti eins og aðrir Brussel fíklar í ESB umræðunni, aðeins þeirri hlið sem hentar Baugsfylkingunni og ESB - einangrunarsinnum.

Þetta hefur Ragnar Arnalds að segja við aðstoðarblókina á vefsíðu þess síðarnefnda þar sem hann birti ruglið í sér.:

"Ég var hreint ekki að vefengja að í ályktun landsfundar VG 2009 hafi verið rætt um að ESB-málið yrði til lykta leitt í þjóðaratkvæðagreiðslu. Það kom skýrt fram í samþykkt fundarins, enda hefur aldrei verið neinn ágreiningur um að þjóðin ætti að fella sinn lokadóm, hvort sem það væri áður en gengið væri til samninga og þá um það hvort stefna ætti að aðildarsamningi eða eftir að samningurinn hefði verið gerður.

Ég var hins vegar að gagnrýna þá túlkun sem fram komi í máli Katrínar Jakobsdóttur að það hefði verið eðlilegt framhald á samþykkt landsfundarins að forysta VG féllst á að sækja um ESB-aðild.

Í samþykkt landsfundarins var hvergi minnst á aðildarumsókn og enn síður að stefnt skyldi að því að gera formlegan aðildarsamning við 27 ríki sem þá fyrst yrði lagður í dóm þjóðarinnar.

Landsfundurinn 2009 lagði fyrst og fremst áherslu á að fram færi vönduð umræða um kosti og galla ESB-aðildar. Í því gat jafnvel falist að kannað væri í viðræðum við ESB, hvað í boði væri fyrir Íslendinga. En fáir á landsfundinum litu á þessi orð um þjóðaratkvæði sem samþykki sitt við því að VG stæði að formlegri ósk um inngöngu í ESB, enda var það skýrt tekið fram að landsfundurinn teldi ESB-aðild ekki samrýnast hagsmunum Íslands.

Það er rangt hjá Elíasi Jóni að ég hafi ekki komið aftur í pontu og gert enn frekari grein fyrir ágreiningi mínum við söguskilning Katrínar. Það gerði ég einmitt. En kannski var þá Elías Jón farinn af fundinum, nema hann hafi alls ekki verið þar og byggi frásögn sína á sögusögnum, og gæti það verið skýring á hversu hvatvísleg skrif hans eru."

Ragnar Arnalds

.

http://blogg.smugan.is/eliasjon/2011/10/02/sogufolsun/

.

[Guðmundur 2. Gunnarsson (IP-tala skráð) 2.10.2011 kl. 23:18]

Það er augljóst að ESB - einangrunarsinnar hafa fengið skipun frá Brussel með að reyna að afvopna ESB - efasemdarmenn beittasta pennanum.  Um illsku Páls Vilhjálmssonar blaðamanns má lesa orðið í öllum bloggum einangrunarsinna og ekki bregðast gamlir fretkarlar og kerfissugur krata frekar en fyrri daginn, og leggur einn slíkur út frá þessum pistli.  Um síðustu helgi héldu áróðursmeistarar ESB námskeið fyrir helstu bloggsóða Samfylkingarinnar og lögðu á ráðin með þeim um hernaðaráætlunina.  Engin vafi að niðurstaðan var sú að í Páli Vilhjálmssyni á að þagga niður í strax. 

Hverju veldur að þessi gáfumenni eru mest upptekin af því að Páll titli sig sem blaðamann...????

Eiður stendur ESB vaktina.:

"Páll Vilhjálmsson sem kallar sig blaðamann er með orðljótustu bloggurum. Líklega sá orðljótasti. Andstæðingar ESB aðildar, einkum samtökin Heimssýn telja hann sinn öflugasta talsmann. Gott ef hann hefur ekki verið , kannski er , framkvæmdastjóri Heimssýnar. Svona byrjar bloggfærsla hans (02.10.2011): Júdasardeild Vinstri grænna reynir að ljúga sig frá svikum við stefnuskrá og kjósendur í málefnum Evrópusambandsins. Ef ekki er notað orðalag tengt nasisma þá eru það Júdasarbrgsl. Þeir einir sem hafa verulega vondan málstað tala svona og skrifa....."

.

http://eidur.is/1908

.

[Elle_, 3.10.2011 kl. 15:10]

Magnús Helgi heldur öllu rugli ICESAVE-STJÓRNARINNAR á lofti, sama hvað það er slæmt.  ICESAVE var okkar skuld sagði hann og barðist heiftarlega eins og Björn Valur, öll Jóhönnuhersingin og Steingrímur við að drepa okkur með kúguninni svo Jóhanna kæmist inn í E-dýrðina og Steingrímur gæti kennt Sjálfstæðisflokknum um ICESAVE þrældóminn.