285 kg af ESB-skjölum á hvert heimili

Frá árinu 1957 hefur Evrópusambandið gefið út rúmlega 650 þúsund blaðsíður af lögum, reglum og tilskipunum. Af þeim eru um 170 þúsund blaðsíðna bálkur enn í gildi, samkvæmt hugveitunni Open Europe. Þessar 170 þúsund blaðsíður vega um 285 kíló.

Samfylkingarhluti ríkisvaldsins leggur áherslu á að engum sé stætt að mynda sér skoðun á hugsanlegri aðild Íslands að Evrópusambandinu nema fyrir liggi samningur um aðild. Evrópusambandið segir skýrt og ákveðið að aðildarsamningar fela í sér allan lagabálk sambandsins, auk sérákvæða sem gilda um viðkomandi umsóknarríki - og þau ákvæði eru jafnan tímabundnar undanþágur.

Samkvæmt forskrift Össurar og félaga ættu Íslendingar að lesa sig í gegnum 170 þúsund blaðsíður af bálki Evrópusambandsins til að mynda sér skoðun á því hvort Ísland ætti heima í ESB eða ekki. 

Ekki er ráð nema í tíma sé tekið: Verður ekki brátt farið að dreifa 285 kg skjalabunka frá ESB á íslensk heimili?

Athugasemdir

[Kristján B Kristinsson (IP-tala skráð) 23.9.2011 kl. 07:32]

Á mínu heimili er öllu svona spammi hent ólesnu.

[Sleggjan og Hvellurinn, 23.9.2011 kl. 09:12]

Eru ekki allir alveg örugglega búinn að lesa EES samninginn??

Hann er sirka 200kg af þessu. 

Þá er bara 85kg eftir.

[Guðmundur 2. Gunnarsson (IP-tala skráð) 23.9.2011 kl. 12:40]

Pakkinn stórkostlegi er ekkert smáræði....85 kg af tómu rugli..

.

[Sleggjan og Hvellurinn, 23.9.2011 kl. 12:52]

Bætt landbúnaðarkefi og byggðarstefna kalla ég ekki rugl.

Ég er viss um að hið flókna og óskilvikra landbúnaðarkerfi (sem nánast allir eru sammála að það þarf að stokka upp) er uppá 850kg

[Sleggjan og Hvellurinn, 23.9.2011 kl. 12:53]

á á þá við hið íslenska landbúnaðarkerfi..... sem enginn skilur.

[Steinarr Kr. , 23.9.2011 kl. 21:01]

Sleggja, eða hvellur - maður veit víst ekki hvorn persónuleikan maður ræðir við.  Heldur þú virkilega að landbúnaðarkerfi ESB sé eitthvað skárra en okkar?

[Sleggjan og Hvellurinn, 23.9.2011 kl. 22:02]

Það er ódýrara, skilvirkara og betri fyrir neytendur.

Það er þar af leiðandi skárra að mínu mati.... en fólk hefur mismunandi skoðanir.