Kínverskur glassúr handa íslenskum hálfvitum

Amx skýtur öllum íslenskum fjölmiðlum ref fyrir rass með færslu sem fylgir hér að neðan. Er til of mikils mælst að þeir sem þykjast frétta- og blaðamenn í fullu starfi geri lágmarksathugun á fréttaefninu sem þeir eru með í höndum?

Það er stórfrétt í málinu ef íslenskur umboðsaðili kínverska auðmannsins sem ætlar að kaupa einhver prósent af landinu er skrautlegur pappír, svo ekki sé meira sagt. Allur trúverðugleiki þess kínverska hrynur ef umbinn hans er með feril er sæmir braskara.

Dugleysi íslenskra fjölmiðla er grátlegt.

Hér er umfjöllun AMX

RÚV gerði málinu skil og ræddi við aðstoðarmann hans, Halldór Jóhannsson. Halldór þessi er vel þekktur í fjórðungnum þó svo að RÚV hafi ekki kveikt á perunni. Smáfuglarnir nefna nokkur dæmi sem áhugavert væri fyrir skelegga fjölmiðlamenn, t.d. Þorbjörn Þórðarson á Stöð 2, að kafa ofan í.

Hver sá um miðasölu fyrir HM95 á Akureyri? Hvaða fjölmiðlamál urðu vegna þess? Hver var þar kærður til RLR? Og hver olli því að Akureyrarbær þurfti að greiða 14 milljónir vegna ábyrgðar í málinu?

Hver stofnaði lakkrísverksmiðju í Kína? Hvað varð um verksmiðjuna? Hvað varð um fjárfestingu kínverska ríkisins í verksmiðjunni?

Hver stofnaði og rak fyrirtækið HJ Teiknistofa (sjá gjaldþrot). Hver urðu örlög Ferðaskrifstofunnar Ratvís, eða fyrirtækjanna Teikn á Lofti ehf og Teikn - ráðgjöf og hönnun ehf. sem öll voru rekin af Halldóri Jóhannssyni?

Hver var ráðgjafi um stórskipahöfn í Gunnólfsvík þar sem reisa átti risavaxinn alþjóðaflugvöll á Þórshöfn?

Hver hefur svo verið helsti ráðgjafi Össurar Skarphéðinssonar í málefnum norðurslóða og hefur staðið að verkefninu Artic-Portal?

Þetta eru áhugaverðar spurningar svo ekki sé meira sagt. Smáfuglarnir furða sig á því að fréttamenn RÚV hafi aldrei hundsvit á því sem þeir fjalla um. Þeir segja frá hverjum loftkastalanum á fætur öðrum úr smiðju sömu manna.

Smáfuglarnir velta fyrir sér hvort það sé til of mikils ætlast af fréttamönnum að slá því inn á google sem þeir eru að vinna með hverju sinni?

 

Athugasemdir

[Haraldur Hansson, 26.8.2011 kl. 21:33]

Það sem stendur uppúr að mínu mati er þetta: Hvernig getur maður með þessa "afrekaskrá" orðið helsti ráðgjafi utanríkisráðherra í svona stórverkefnum?

[Guðmundur 2. Gunnarsson (IP-tala skráð) 26.8.2011 kl. 22:25]

Sammála Haraldi ...

[Jóhann (IP-tala skráð) 26.8.2011 kl. 23:44]

Ég sé ekki betur en að þessi umboðsmaður sómi sér í FLokknum, enda ber hann öll einkenni MP-snillinganna, sem stóðu fyrir fjáröflun fyrir "Guð blessi Ísland".

Þekkja AMX-liðar ekki sína sauði?

[Örn Ægir (IP-tala skráð) 26.8.2011 kl. 23:57]

Haraldur

Vafasamur félagsskapur í kringum Össur Skarphéðinnsson kemur ekki á óvart frekar en Samfylkinguna alla meir en lítið vafasamt lið þar á ferð

[Jenný Stefanía Jensdóttir, 27.8.2011 kl. 03:26]

Það er sama hvaðan "rannsóknarblaðamennskan" kemur, ef hún stendur undir hlutleysi og heilindum.

Í þessari færslu má vart sjá hvar smáfugl tekur sig á loft og hvar "ekki baugsblaðamaðurinn"Páll lendir.

Sama skelfilega"Otto Spark" óbragðið, þrátt fyrir tæra vatnið.

[Einar Marel (IP-tala skráð) 27.8.2011 kl. 16:07]

Það að Páll skuli vitna í AMX segir allt sem segja þarf.

[Guðmundur 2. Gunnarsson (IP-tala skráð) 27.8.2011 kl. 16:14]

Nú nú...  eru sömu aðilar eins og Einar sem gæta hagsmuna Jóns Ásgeirs, Baugsfylkingarinnar  og auðrónanna á vaktinni til að gæta hagsmuni íslensk óreiðumanns sem er í forsvari fyrir kínverjans.  Þarf það að koma á óvart...???

.